Old currency: గురువాయూరు ఆలయ హుండీల్లో పాత నోట్లు

కేరళ: భక్తుల కానుకలతో కేరళలోని త్రిశ్శూర్‌ జిల్లా గురువాయూర్‌ ఆలయ హుండీలు కళకళలాడుతున్నాయి. అయితే ఇదే విషయంపై.. ఆలయ నిర్వాహకులు తలలు పట్టుకుంటున్నారు. హుండీల్లో కానుకలు వేస్తే ఇబ్బందులు ఏం ఉంటాయనేగా మీ సందేహం? ఆ కానుకలు నోట్ల రూపంలో ఉండడం, ఆ నోట్లు రద్దు అయినవి కావడమే అసలు సమస్య! నోట్ల రద్దు తర్వాత.. పాత నోట్లు ఎక్కువగా హుండీల్లో దర్శనమిస్తున్నాయి. ఐదేళ్లలో ఇలా హుండీల్లో పడిన రద్దైన నోట్ల విలువ.. రూ.1.35 కోట్లుగా ఉంది. ఈ నగదును ఏం చేయాలో నిర్వాహకులకు అర్థం కావడం లేదు. గత శనివారం ఒక్క రోజే.. 36 రూ.1000 నోట్లు, 57 రూ.500 నోట్లు (రద్దైనవి) హుండీలో లభించాయి. వీటికి ఎలాంటి విలువా లేదని తెలిసి నోట్లను భక్తులు హుండీల్లో వేసేస్తున్నారని అధికారులు అంటున్నారు.