AP News: ప్రకాశంలో జంబలకిడిపంబ!

పెద్దారవీడు: అబ్బాయి అమ్మాయిగా, అమ్మాయి అబ్బాయిగా మారడం వినగానే టక్కున గుర్తొచ్చేది ‘జంబలకడి పంబ’ సినిమానే. ప్రకాశం జిల్లాలో జరిగిన ఓ వివాహంలో సరిగ్గా ఇదే జరిగింది. పెద్దారవీడు మండలం బి.చెర్లోపల్లి గ్రామంలో గుమ్మా ఆవులయ్య కుమారుడు అంకయ్య వివాహం అరుణ అనే యువతితో జరిగింది. పెళ్లి తరువాత పోలేరమ్మ, అంకాలమ్మ దేవతలకు పూజలు నిర్వహించారు. ఆ తర్వాత వరుడు వధువులా.. వధువు వరుడి వేషధారణతో తప్పెట్లు, తాళాలతో గ్రామ శివారులో ఉన్న జమ్మి చెట్టు, నాగులపుట్ట వద్దకు వెళ్లి ప్రత్యేక పూజలు చేశారు. తమ వంశంలో పూర్వకాలం నుంచి ఈ సంప్రదాయాన్ని పాటిస్తున్నారని అంకయ్య కుటుంబసభ్యులు తెలిపారు. గుమ్మా ఇంటి పేరున్న వారు తమ ఇళ్లల్లో వివాహం జరిగితే ఈ ఆచారాన్ని పాటిస్తారని పేర్కొన్నారు.

► Read latest General News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.