Andhra News: విశాఖ-విజయవాడ మార్గంలో పట్టాలు తప్పిన గూడ్స్‌..

కాకినాడ: ఏపీలోని కాకినాడ జిల్లా పిఠాపురం- సామర్లకోట వద్ద ఓ గూడ్స్ రైలు పట్టాలు తప్పింది. విశాఖ నుంచి విజయవాడ మార్గంలో గూడ్స్ రైలు ప్రమాదానికి గురైంది. దీంతో పలు రైళ్ల రాకపోకలకు అంతరాయం ఏర్పడింది. యశ్వంత్‌పూర్, రత్నాచల్ ఎక్స్‌ప్రెస్ రైళ్లను రైల్వే అధికారులు నిలిపివేశారు.

సమాచారం అందుకున్న రైల్వే సిబ్బంది హుటాహుటిన ఘటనా స్థలానికి చేరుకుని పునరుద్ధరణ చర్యలు చేపట్టారు. దాదాపు మూడు గంటలపాటు ఈ మార్గంలో రైళ్ల రాకపోకలు నిలిచిపోయాయి. విశాఖవైపు వెళ్లే రైళ్లు 1.30 గంటల నుంచి రెండు గంటల ఆలస్యం కాగా.. విజయవాడ వైపు వెళ్లే రైళ్లు 45 నిమిషాలు ఆలస్యంగా బయలుదేరాయి.