Published : 18 Aug 2022 21:53 IST

Andhra News: సీపీఎస్‌ కంటే జీపీఎస్‌ మరింత ప్రమాదకరం: ఉద్యోగ సంఘాలు

అమరావతి: సీపీఎస్‌పై ప్రభుత్వంతో ఉద్యోగ సంఘాల చర్చలు మరోసారి విఫలమయ్యాయి. చర్చలకు పిలిచిన ప్రభుత్వం మళ్లీ పాతపాటే పాడిందని ఉద్యోగ సంఘాల నేతలు ఆరోపించారు. ఉద్యోగులకు సీపీఎస్‌ అనేది ఎంత ప్రమాదకరమో ప్రభుత్వం ప్రతిపాదించిన జీపీఎస్‌ అంతకుమించి ప్రమాదకరమని ఏపీ సీపీఎస్‌ ఉద్యోగ సంఘం నేతలు తెలిపారు. ఈ అంశాన్ని సంప్రదింపుల కమిటీకి తెలియజేశామన్నారు. ఇచ్చిన హామీ మేరకు ఉద్యోగి రాజ్యాంగబద్ధ హక్కుగా పాత పెన్షన్‌ విధానాన్ని పునరుద్ధరించాలని డిమాండ్‌ చేశారు.  సెప్టెంబరు1న నిర్వహించ తలపెట్టిన చలో విజయవాడ విజయవంతం చేయాలని పిలుపునిచ్చారు. ఓపీఎస్‌ పునరుద్ధరించాలన్నదే ఉద్యోగ సంఘాల ప్రధాన డిమాండ్‌ అని స్పష్టం చేశారు. సీపీఎస్‌ విధానంలో వచ్చిన ఏ సవరణనూ ఈ రాష్ట్రంలో అమలు చేయడంలేదని పేర్కొన్నారు. జీపీఎస్‌ అమలైతే దాని పరిస్థితి కూడా అలాగే ఉంటుందన్నారు. చలో విజయవాడ కార్యక్రమం విజయవంతం చేయడం ద్వారా తమ వేదనను ప్రభుత్వానికి మరోసారి తెలియజేస్తామన్నారు. సీపీఎస్‌ రద్దు చేసి పాత పెన్షన్‌ పునరుద్ధరణ చేసే వరకు తమ పోరాటం ఆగదని తేల్చి చెప్పారు.

Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని