మీకు 50ఏళ్లు వచ్చాయా? బరువు మరీ చేటు
అధిక బరువును తగ్గించుకోవటం ఏ వయసులోనైనా మంచిదే. మధ్యవయసులో.. ముఖ్యంగా 50ల్లోకి అడుగిడిన తర్వాత బరువు
అధిక బరువును తగ్గించుకోవటం ఏ వయసులోనైనా మంచిదే. మధ్యవయసులో.. ముఖ్యంగా 50ల్లోకి అడుగిడిన తర్వాత బరువు తగ్గటం ఇంకా మంచిది. అధిక బరువు మహిళలకు ఇది మరింత ముఖ్యం. ఇందుకు సమంజసమైన కారణాలే ఉన్నాయి. అవేంటో చూద్దాం.
1. మతిమరుపు ముప్పు తగ్గుముఖం
యాబై ఏళ్ల వయసులో ఊబకాయం గలవారికి తీవ్ర మతిమరుపును తెచ్చిపెట్టే డిమెన్షియా తలెత్తే అవకాశం ఎక్కువని అధ్యయనాలు పేర్కొంటున్నాయి. అదే 60, 70ల్లోనైతే అంత ముప్పేమీ కనిపించటం లేదు. శరీర ఎత్తు బరువుల నిష్పత్తి (బీఎంఐ) ఎక్కువగా గలవారికి.. ప్రత్యేకించి బొజ్జ గలవారికి మతిమరుపు ముప్పు 30% వరకు అధికంగా ఉంటుండటం గమనార్హం. కడుపు వద్ద పోగుపడే కొవ్వు వాపు ప్రక్రియను, ఇన్సులిన్ నిరోధకతను ప్రేరేపించే హార్మోన్లు, రసాయనాలు విడుదలయ్యేలా చేస్తుంది. ఇవి మెదడుకూ హాని చేస్తాయి.
2. వేడి ఆవిర్లు తగ్గుతాయి
నెలసరి నిలిచిన (మెనోపాజ్) మహిళలు తరచూ వేడి ఆవిర్లతో సతమతమవుతుంటారు. వీటితో రాత్రిపూట నిద్రపట్టక ఇబ్బంది పడేవారు ఎందరో. వీపరీతంగా చెమట్లు కూడా పడుతుంటాయి. యాభై ఏళ్లు దాటాక వేడి ఆవిర్లు రావటం మరింత ఎక్కువగానూ చూస్తుంటాం. ఇందుకు అధిక బరువూ దోహదం చేస్తుంది. ఒంట్లోంచి వేడి బయటకు వెళ్లకుండా కొవ్వు అడ్డుకుంటుంది మరి. ఇది ఈస్ట్రోజెన్ హార్మోన్లనూ ప్రభావితం చేస్తుంది. ఈస్ట్రడియోల్, ఈస్ట్రోన్ వంటి ఈస్ట్రోజెన్ హార్మోన్లు కొవ్వు కణజాలంలోనే నిల్వ ఉంటాయి. కొవ్వు శాతం పెరిగిన కొద్దీ ఒంట్లో వీటి స్థాయులూ ఎక్కువవుతాయి. నిజానికి ఈస్ట్రడియోల్ వేడి ఆవిర్లు తగ్గటానికి తోడ్పడుతుంది గానీ ఈస్ట్రోన్ దీని ప్రభావాలను అడ్డుకుంటుంది. బరువు తగ్గటం వల్ల ఈస్ట్రోన్ తగ్గుతుంది. ఫలితంగా రక్తంలో ఈస్ట్రడియోల్ స్థాయులు పెరిగి మెనోపాజ్ లక్షణాలు తగ్గుముఖం పడతాయి.
3. మోకాళ్ల నొప్పుల నుంచి ఉపశమనం
వయసు పెరుగుతున్నకొద్దీ తలెత్తే సమస్యల్లో మోకాళ్ల నొప్పులు ఒకటి. మన కీళ్ల మధ్యన రబ్బరులాంటి మృదులాస్థి ఉంటుంది. ఇది కీళ్లు ఒకదాంతో మరోటి రాసుకోకుండా చూస్తుంది. వయసు మీద పడుతున్నకొద్దీ ఇది అరిగిపోతుంటుంది. దీంతో శరీర బరువును మోసే మోకాలి కీళ్ల వాపు, బిగుసుకుపోవటం, నొప్పి ఇబ్బంది పెడతాయి. బరువు ఎక్కువగా గలవారిలో మృదులాస్థి ఇంకాస్త త్వరగానూ అరిగిపోతుంది. కీళ్ల మీద ఒత్తిడి బాగా పెరుగుతుంది. నొప్పీ ఎక్కువవుతుంది.
4. రొమ్ము క్యాన్సర్ ముప్పు దూరం
ఈస్ట్రోజెన్ వంటి హార్మోన్లు కొవ్వులో నిల్వ ఉండటం వల్ల 50 ఏళ్లు పైబడిన మహిళల్లో హార్మోన్లతో ముడిపడిన క్యాన్సర్లు తలెత్తే ప్రమాదముంది. రొమ్ముక్యాన్సర్కు.. ముఖ్యంగా హార్మోన్ గ్రాహకం పాజిటివ్తో ముడిపడిన క్యాన్సర్కూ ఊబకాయానికీ సంబంధం ఉంటుండటం గమనార్హం. బరువు తగ్గటం ద్వారా దీని ముప్పును గణనీయంగా తగ్గించుకోవచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ హంతకులకు, జగన్కు ఓటు వేయొద్దు: వివేకా కుమార్తె సునీత
హంతకులకు ఓటు వేయవద్దని మాజీ మంత్రి వివేకా కుమార్తె సునీత మరోమారు ప్రజలకు విజ్ఞప్తి చేశారు. -
వివేకా హత్యకేసు.. సీబీఐ కోర్టుకు ఎంపీ అవినాష్రెడ్డి
మాజీ మంత్రి వైఎస్ వివేకానందరెడ్డి హత్యకేసు విచారణ గురువారం సీబీఐ కోర్టులో జరిగింది. -
స్కిల్ డెవలప్మెంట్ కేసు.. అచ్చెన్నాయుడికి ఊరట
స్కిల్ డెవలప్మెంట్ కేసులో తెదేపా ఏపీ రాష్ట్ర అధ్యక్షుడు అచ్చెన్నాయుడు(Atchannaidu)కి ఊరట లభించింది. -
ఏపీకి ముగ్గురు ప్రత్యేక పరిశీలకులను నియమించిన కేంద్ర ఎన్నికల సంఘం
ఎన్నికల దృష్ట్యా ఏపీకి ముగ్గురు ప్రత్యేక పరిశీలకులను కేంద్ర ఎన్నికల సంఘం (Elections Commission) నియమించింది. -
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం... -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం... -
తిరుమల నడక మార్గంలో చిరుత సంచారం
అలిపిరి కాలిబాటలో చిరుత సంచారం కలకలం సృష్టించింది. ఈ నెల 25, 26 తేదీల్లో ఇక్కడి నడక మార్గంలో చిరుత కదలికలు కనిపించాయి. -
నేటి రాశి ఫలాలు.. 12 రాశుల ఫలితాలు ఇలా... (28/03/2024)
Rasi Phalalu in Telugu: ఈ రోజు ఏ రాశి వారికి ఎలా ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు..
తాజా వార్తలు (Latest News)
-
ఆ హంతకులకు, జగన్కు ఓటు వేయొద్దు: వివేకా కుమార్తె సునీత
-
కేజ్రీవాల్కు ఈడీ కస్టడీ పొడిగింపు.. కోర్టులో సీఎం స్వీయ వాదనలు!
-
భారీ లాభాల్లో సూచీలు.. సెన్సెక్స్ 655, నిఫ్టీ 203
-
అదితితో పెళ్లి వార్తలు.. ఫొటో షేర్ చేసిన సిద్ధార్థ్
-
నాటో దేశాలపై దాడి చేయం.. ఎఫ్-16లను మాత్రం కూల్చివేస్తాం: పుతిన్
-
రసవత్తరంగా సాగుతున్న మెగా లీగ్.. తొలి రోజు వీక్షణల్లోనూ రికార్డే