Chandrababu Arrest: చంద్రబాబు బెయిల్‌, కస్టడీ పిటిషన్లపై విచారణ వాయిదా

విజయవాడ: నైపుణ్యాభివృద్ధి సంస్థ కేసులో బెయిలు కోసం తెదేపా అధినేత చంద్రబాబునాయుడు అవినీతి నిరోధక శాఖ (ఏసీబీ) కోర్టులో దాఖలు చేసిన పిటిషన్‌పై విచారణ అక్టోబరు 4వ తేదీకి వాయిదా పడింది. ఇదే కేసులో చంద్రబాబును మరో అయిదు రోజులు పోలీసు కస్టడీకి ఇవ్వాలని కోరుతూ సీఐడీ దాఖలుచేసిన పిటిషన్‌పై కూడా విచారణ అక్టోబరు 4కు వాయిదా వేస్తూ ఏసీబీ కోర్టు న్యాయమూర్తి ఆదేశాలు జారీ చేశారు. రెండు పిటిషన్లపై ఒకే సారి వాదనలు వింటామని న్యాయమూర్తి తెలిపారు. వాదనలు విన్న తర్వాత ఒకేసారి ఉత్తర్వులు ఇస్తామని పేర్కొన్నారు. అమరావతి రింగురోడ్డు, ఫైబర్‌ నెట్‌ కేసుల్లో పీటీ వారెంట్లపై విచారణను కూడా విజయవాడ ఏసీబీ కోర్టు అక్టోబరు నాలుగో తేదీకి వాయిదా వేసింది.