Viveka Murder case: సునీత పిటిషన్‌పై విచారణ ఈనెల 5కి వాయిదా

హైదరాబాద్‌: మాజీ మంత్రి వైఎస్‌ వివేకానందరెడ్డి హత్యకేసులో సునీత పిటిషన్‌పై శుక్రవారం సీబీఐ కోర్టులో విచారణ జరిగింది. కోర్టు విచారణలో సీబీఐ పీపీకి తమ న్యాయవాది సహకరించేందుకు అనుమతివ్వాలని ఆమె పిటిషన్‌ దాఖలు చేసిన విషయం తెలిసిందే. సునీత పిటిషన్‌పై శివశంకర్‌రెడ్డి, ఉమాశంకర్‌ర్‌రెడ్డి తరఫు న్యాయవాదులు వాదనలు వినిపించారు. ఈ పిటిషన్‌పై  వైఎస్‌ భాస్కర్‌రెడ్డి, ఉదయ్‌శంకర్‌రెడ్డి కౌంటర్లు దాఖలు చేయలేదు. సునీత వాదనల కోసం పిటిషన్‌పై విచారణ ఈనెల 5కి వాయిదా పడింది.

వివేకా లేఖపై నిన్‌హైడ్రిన్‌ పరీక్షకు అనుమతించాలన్న పిటిషన్‌పైనా సీబీఐ కోర్టులో విచారణ జరిగింది. సీబీఐ పిటిషన్‌పై గంగిరెడ్డి, సునీల్ యాదవ్‌ కౌంటర్లు దాఖలు చేయగా.. శివశంకర్‌రెడ్డి, ఉమాశంకర్‌ రెడ్డి అభ్యంతరం తెలిపారు. తన వైపు కౌంటరు లేదని దస్తగిరి సీబీఐ కోర్టుకు తెలిపారు. సీబీఐ వాదనల కోసం కేసు విచారణ ఈనెల 5కి వాయిదా పడింది.