TTD: తిరుమలకు పోటెత్తిన భక్తులు.. శ్రీవారి సర్వదర్శనానికి 24 గంటలు

తిరుమల: శ్రీవారి దర్శనానికి తిరుమలకు వచ్చే భక్తుల సంఖ్య భారీగా పెరిగింది. శనివారం సాయంత్రానికి ఎస్‌ఎస్‌డీ టోకెన్లు లేకుండా క్యూలైన్లలో వచ్చిన భక్తులు వైకుంఠం క్యూకాంప్లెక్స్‌-2లోని అన్ని కంపార్ట్‌మెంట్లు, నారాయణగిరి షెడ్లలో నిండిపోయి శిలాతోరణం వరకు వేచి ఉన్నారు. వీరికి సుమారు 24 గంటల్లో శ్రీవారి దర్శనం లభించనుందని తితిదే తెలిపింది. క్యూలైన్‌లోని భక్తులకు తితిదే తాగునీరు, అన్నప్రసాదాలను అందిస్తోంది. శుక్రవారం శ్రీవారిని 79,486 మంది భక్తులు దర్శించుకున్నారు. రూ.3.72 కోట్లు హుండీ కానుకలు లభించాయి. 40,250 మంది భక్తులు తలనీలాలు సమర్పించారు. గదుల కోసం రద్దీ కొనసాగుతోంది.