Raj Bhavan: తెలంగాణ రాజ్‌భవన్‌ వద్ద భారీగా పోలీసుల మోహరింపు

హైదరాబాద్‌: తెలంగాణ రాజ్‌భవన్‌ వద్ద పోలీసులు భారీ బందోబస్తు ఏర్పాటు చేశారు. రైతుల సమస్యల పరిష్కారం, అటవీ సంరక్షణ నియమాలు-2022 ఉపసంహరించాలని డిమాండ్ చేస్తూ దేశవ్యాప్తంగా ఆయా రాష్ట్రాల్లో చలో రాజ్‌భవన్‌కు పిలుపునిచ్చారు. దీనిలో భాగంగా తెలంగాణలో సంయుక్త కిసాన్‌ మోర్చా, ఆదివాసి అటవీ హక్కుల సంరక్షణ సమన్వయ కమిటీలు ఇవాళ చలో రాజ్‌భవన్‌కు పిలుపునిచ్చాయి. దీంతో అప్రమత్తమైన పోలీసులు రాజ్‌భవన్‌ వద్ద భారీగా మోహరించారు. ఖైరతాబాద్‌ కూడలి నుంచి రాజ్‌భవన్‌ వరకు బారికేడ్లు ఏర్పాటు చేశారు.