Appendicitis: అపెండిసైటీస్‌ రాకుండా ఇలా చేయొచ్చు..!

ఇంటర్నెట్‌ డెస్క్‌: 24 గంటల కడుపునొప్పి అంటే అందరికీ భయమే..చికిత్స అందించకపోతే ప్రాణాలే పోతాయని ఆందోళన చెందుతారు. తీవ్రంగా బాధించే ఈ అపెండిసైటీస్‌ కడుపునొప్పిని ఆపరేషన్‌ లేకుండా ఇప్పుడు మందులతో కూడా తగ్గిస్తున్నారు. అసలు ఇంతదాకా రాకుండా కొన్ని ఆసనాలు చేస్తే ఇది రాకుండా ఉంటుందని యోగా నిపుణులు చెబుతున్నారు. అపెండిసైటీస్‌ బాధలను నివారించడానికి చేసే యోగాసనాలు, వాటి తీరుతెన్నులను యోగానిపుణులు ఆర్‌.ఆర్‌ ప్రసాద్‌ వివరించారు. అపెండిక్స్‌లో మలినాలు, బ్యాక్టీరియా చేరడంతో వాపు వస్తుంది. దాంతో తీవ్రమైన నొప్పి మొదలవుతుంది. అలాంటి మలినాలు చేరకుండా ఈ యోగాసనాలు బాగా ఉపయోగపడుతాయి.

వృక్షాసనం

వృక్షాసనం చేయడంతో పొట్టలో చేరిన మలినాలను పారదోలుతుంది. ఆసనం 20 సెకన్ల పాటు చేయాలి. ఇలా మనకు అనుకూలంగా అనిపించినంత సేపు చేసుకోవచ్చు.

త్రికోణాసనం

ఈ ఆసనం చేయడంతో జీర్ణ వ్యవస్థను సరళీకృతం చేస్తుంది. ఎలాంటి ఇబ్బందులున్నా తొలగిపోతాయి. కడుపులో నొప్పి రాకుండా ఉంటుంది. 

వాయుముద్ర

పద్మాసనం, కుర్చీలో గానీ చేయవచ్చు. శరీర భాగంలోని నొప్పిని తొలగిస్తుంది. 10 నిమిషాల పాటు చేసిన తర్వాత కొంత వ్యవధి  తీసుకొని మళ్లీ చేయవచ్చు.