ప్రభుత్వం చెప్పకపోతే మేమే ఆదేశాలిస్తాం

తెలంగాణ సర్కారుకు హైకోర్టు హెచ్చరిక

హైదరాబాద్‌ : తెలంగాణలో కరోనా పరిస్థితులపై హైకోర్టులో విచారణ జరిగింది. రాత్రి కర్ఫ్యూ తర్వాత కరోనా కట్టడి చర్యలు వెల్లడించకపోవడంపై న్యాయస్థానం అసహనం వ్యక్తం చేసింది. 45 నిమిషాల్లో వివరాలు తెలపాలని అడ్వొకేట్‌ జనరల్‌ను కోర్టు ఆదేశించింది. ప్రభుత్వం చెప్పకపోతే తామే ఆదేశాలిస్తామని న్యాయస్థానం హెచ్చరించింది. పాలనా విషయాల్లో జోక్యం చేసుకోవాలనుకోవడం లేదని ఈ సందర్భంగా హైకోర్టు స్పష్టం చేసింది. ప్రభుత్వం ఇటీవల విధించిన రాత్రి కర్ఫ్యూ ఆంక్షలు నేటితో ముగియనున్నప్పటికీ.. ప్రభుత్వం నిర్ణయం తీసుకోవడం లేదని ఆగ్రహం వ్యక్తం చేసింది.