Hyderabad: హైదరాబాద్‌లో చిరుజల్లులు.. నగరవాసులకు ఉపశమనం

హైదరాబాద్: భాగ్యనగరంలోని పలు ప్రాంతాల్లో మోస్తరు వర్షం కురుస్తోంది. నగరంలోని నాంపల్లి, కోఠి, సుల్తాన్ బజార్, కింగ్ కోఠి, బషీర్ బాగ్, లిబర్టీ, హిమాయత్ నగర్, నారాయణగూడలో మోస్తరు వర్షం కురుస్తోంది. సికింద్రాబాద్, చిలకలగూడ, పద్మారావు నగర్, మారెడ్‌పల్లి, బోయిన్‌పల్లి, బేగంపేటలో చిరు జల్లులు కురుస్తున్నాయి. పలు చోట్ల ఆకాశం మేఘావృతమై ఉంది. అక్కడక్కడా మోస్తరు వర్షం కురవడంతో నగరంలో వాతావరణం ఒక్కసారిగా చల్లబడింది. ఉక్కపోత నుంచి నగరవాసులకు ఉపశమనం లభించింది.

హైదరాబాద్‌లో భారీ వర్షం కురిసే అవకాశం ఉందని.. నగరవాసులు అప్రమత్తంగా ఉండాలని ఇప్పటికే హైదరాబాద్ వాతావరణ కేంద్రం హెచ్చరించింది. అత్యవసర పరిస్థితుల్లోనే బయటకు రావాలని నగరవాసులకు సూచించింది. లోతట్టు ప్రాంతాల్లో నీటినిల్వ ఉండకుండా చూడాలని కింది స్థాయి సిబ్బందికి అధికారులు ఆదేశాలు సైతం జారీ చేశారు.