తెలుగు భాషను బతికిద్దామంటూ సైకత శిల్పం

రాజమండ్రి: ఫిబ్రవరి 21వ తేదీన అంతర్జాతీయ మాతృభాష దినోత్సవాన్ని పురస్కరించుకొని తూర్పుగోదావరి జిల్లా రంగంపేటలో అక్కాచెల్లెళ్లు రూపొందించిన సైకత శిల్పం విశేషంగా ఆకట్టుకుంటోంది. సైకత శిల్పి దేవిన శ్రీనివాస్‌ కుమార్తెలైన వారిరువురు ఎంతో శ్రమించి సైకత శిల్పాన్ని రూపొందించారు. అమ్మ భాషను కాపాడుకోవాలని పేర్కొంటూ ‘అ’ అక్షరానికి రక్షణ కల్పించినట్లుగా తీర్చిదిద్దారు. ‘తెలుగు భాషను బతికిద్దాం’, ‘దేశ భాషలందు తెలుగు లెస్స’ అనే నినాదాలతో ఆకర్షణీయంగా రూపొందించారు. ‘ఎన్ని భాషలైనా నేర్చుకోవచ్చు కానీ మాతృభాషను మాత్రం మర్చిపోవద్దు. అమ్మను, అమ్మ భాషను మరవకూడదు. మనమంతా తెలుగులోనే మాట్లాడదాం’ అని ఆ చిన్నారులు సందేశమిస్తున్నారు.