చిన్న కంపెనీల్లో మదుపు..

దీర్ఘకాలంలో పెట్టుబడి వృద్ధి చెందేందుకు వీలుగా.. ఇప్పుడు చిన్న కంపెనీల్లో మదుపు చేసే వ్యూహంతో వచ్చిన పథకం.. ప్రిన్సిపల్‌ స్మాల్‌ క్యాప్‌ ఫండ్‌. ఈక్విటీ స్మాల్‌ క్యాప్‌ ఫండ్‌ విభాగానికి చెందిన ఈ ఓపెన్‌ ఎండెడ్‌ ఫథకంలో కనీస పెట్టుబడి రూ.5,000. ఎన్‌ఎఫ్‌ఓ మే 6 వరకూ అందుబాటులో ఉంది. కొనుగోలు రుసుము లేదు. పెట్టిన పెట్టుబడిని ఏడాదిలోపు 25శాతానికి మించి పెట్టుబడిని వెనక్కి తీసుకుంటే.. 1శాతం అమ్మకపు రుసుము వర్తిస్తుంది.

బ్యాంకింగ్‌ రంగంలో.. 
బ్యాంకింగ్‌, ప్రభుత్వ రంగ సంస్థలు జారీ చేసే సెక్యూరిటీల్లో మదుపు చేసే వ్యూహంతో వచ్చిన పథకం ఇండియాబుల్స్‌ బ్యాంకింగ్‌ అండ్‌ పీఎస్‌యూ డెట్‌ ఫండ్‌. ఇది డెట్‌ విభాగానికి చెందిన పథకం. ఇందులో కనీస పెట్టుబడి రూ.500. ఈ ఓపెన్‌ ఎండెడ్‌ పథకంలో మే 9 వరకూ మదుపు చేసేందుకు అవకాశం ఉంది.

అన్ని విభాగాల్లోనూ.. 
పెద్ద, మధ్య, చిన్న తరహా సంస్థల్లో మదుపు చేసే లక్ష్యంతో ఐటీఐ మ్యూచువల్‌ ఫండ్‌ నుంచి మార్కెట్లోకి వచ్చిన పథకం.. ఐటీఐ మల్టీ క్యాప్‌ ఫండ్‌. మార్కెట్‌ పరిస్థితులను బట్టి ఇది ఏ రకం సంస్థల్లో పెట్టుబడులు పెట్టాలనేది నిర్ణయించుకుంటుంది. ఇది ఓపెన్‌ ఎండ్‌డ్‌ మల్టీ క్యాప్‌ ఫండ్‌ ఇది. కనీస పెట్టుబడి రూ.1,000. మే 9 వరకూ ఎన్‌ఎఫ్‌ఓ అందుబాటులో ఉంది. పెట్టుబడిని ఏడాదిలోపు వెనక్కి తీసుకుంటే.. 1శాతం అమ్మకపు రుసుము వర్తిస్తుంది.