IPS అధికారి జిలేబీ ట్వీట్‌ వైరల్‌!

ఇంటర్నెట్‌ డెస్క్‌: జిలేబీ అంటే ఇష్టం ఉన్న ఓ పోలీసు ఉన్నతాధికారి చేసిన ట్వీట్‌ నెట్టింట్లో నవ్వులు పూయిస్తోంది. తమిళనాడుకు చెందిన డా.సందీప్‌ మిత్తల్‌ అనే ఐపీఎస్‌ అధికారి తనకు జిలేబీ తినాలి అనిపిస్తోందనీ, కానీ తన భార్య తిననివ్వడం లేదంటూ ట్వీట్‌ చేశారు. ఆ ట్వీట్‌ కాస్తా ఆయన భార్య వరకూ వెళ్లింది. ఆమె ‘‘మీరు ఈరోజు ఇంటికి రండి’’ అని రిప్లై ఇచ్చారు. మరి ఇంటికి వెళ్లాక ఆయన జిలేబీ తిన్నారో?లేదో? తెలియదు కానీ ఆ ట్వీట్లు మాత్రం నెట్టింట్లో వైరల్‌ అవుతున్నాయి.

‘‘చిన్నప్పుడు 25 పైసలకు పెద్ద జిలేబీ వచ్చేది. పెద్దయ్యాక డబ్బు సంపాదించి అలాంటి జిలేబీలు రోజుకు మూడు లేదా నాలుగు తినొచ్చు అనుకున్నా. ఇప్పుడు నేను డబ్బు సంపాదిస్తున్నా.. కానీ, నా భార్య నన్ను జిలేబీ తిననివ్వడం లేదు’’ అని సదరు ఐపీఎస్‌ అధికారి ట్వీట్‌ చేయగా.. ‘‘మీరు ఈరోజు ఇంటికి రండి’’ అని ఆయన భార్య డా. రిచా మిత్తల్‌ రిప్లై ఇచ్చారు. ఈ ట్వీట్లకు నెటిజన్లు సరదాగా కామెంట్లు పెడుతున్నారు.