Hyderabad: ఎక్సెల్‌ గ్రూప్‌ సంస్థల్లో ఐటీ సోదాలు

హైదరాబాద్‌: నగరంలోని పలుచోట్ల ఐటీ సోదాలు జరుగుతున్నాయి. సుమారు  60 మంది ఐటీ సిబ్బంది 20 బృందాలుగా విడిపోయి తనిఖీలు చేస్తున్నారు. ప్రధానంగా ఎక్సెల్‌ గ్రూప్‌ సంస్థల్లో ఈ సోదాలు జరుగుతున్నాయి. ఇన్ఫ్రా, ఐటీ, ఇంజినీరింగ్, హెల్త్ కేర్ గ్రూపు కంపెనీలను ఎక్సెల్‌ సంస్థ నడుపుతోంది. తనిఖీల్లో భాగంగా గచ్చిబౌలిలోని ఎక్సెల్‌ కార్యాలయంతో పాటు బాచుపల్లి, చందానగర్‌, బొల్లారం తదితర ప్రాంతాల్లో అనుబంధ సంస్థల్లోనూ ఐటీ అధికారులు తనిఖీలు చేసి వివిధ పత్రాలు పరిశీలిస్తున్నారు. ఆదాయపన్ను చెల్లింపుల్లో తేడాలపై ఐటీ అధికారులు ఆరా తీస్తున్నట్లు సమాచారం.