Heavy Rains: ఇంటర్నెట్‌ను ‘తడిపేస్తున్న’ సరదా మీమ్స్‌ చూశారా?

ఇంటర్నెట్‌ డెస్క్‌: నైరుతి రుతుపవనాల రాకతో మన దేశంలో పలు చోట్ల కుండపోత వర్షాలు కురుస్తున్నాయి. ముఖ్యంగా మహారాష్ట్ర, కర్ణాటక, హిమచల్‌ప్రదేశ్లను భారీ వర్షాలు ముంచెత్తుతున్నాయి. కీలక నగరాలు జలదిగ్బంధమయ్యాయి. దీంతో జనజీవనం స్తంభించిపోయింది. బయటికి వెళ్లలేక ప్రజలు ఇబ్బందులు పడుతున్నారు. ఈ నేపథ్యంలో సోషల్‌ మీడియాలో కొంతమంది సరదా మీమ్స్‌ పోస్ట్‌ చేశారు. వర్షాకాల ప్రారంభానికి ముందు ప్రజలు ఎలా ఉండేవారో? ఎడతెరపి లేకుండా కురుస్తున్న సమయంలో ఎలా ఉన్నారో తెలిపేలా ఉన్న వీడియో ఒకటి ఆకట్టుకుంటుంది. అలాగే వర్షం కురుస్తున్నప్పుడు రహదారులపై  ప్రయాణించడం ఎంత కష్టమో చూపిస్తూ ఒక వ్యక్తి ‘వర్షంలో ఇవి తప్పక కొనుగోలు చేయాలి’ అంటూ రెండు ప్లాస్టిక్‌ స్టూల్స్‌పై నడుస్తున్న వీడియో నవ్వులు పూయిస్తోంది. మరి ఇంకెందుకు ఆలస్యం మీరూ ఇలాంటి కొన్ని మీమ్స్‌ను కాసేపు ఆస్వాదించండి!