ఈవోగా బాధ్యతలు చేపట్టిన జవహర్‌రెడ్డి 

తిరుమల: తిరుమల తిరుపతి దేవస్థానం ఈవోగా జవహర్‌రెడ్డి శనివారం ఉదయం బాధ్యతలు స్వీకరించారు. ఉదయం 6గంటలకు అలిపిరి పాదాల మండపం వద్ద నుంచి కాలినడకన కొండపైకి చేరుకున్నారు. అనంతరం వైకుంఠం క్యూ కాంప్లెక్స్‌ ద్వారా ఆలయంలోకి చేరుకుని కుటుంబ సమేతంగా శ్రీవారిని దర్శించుకున్నారు. రంగనాయకుల మండపంలో తితిదే ఈవోగా బాధ్యతలు స్వీకరించారు. ఈ సందర్భంగా జవహర్‌రెడ్డికి వేదపండితులు ఆశీర్వచనం అందించారు. ఆ తర్వాత అన్నమయ్య భవన్‌లో తితిదే ఉన్నతాధికారులతో సమావేశమయ్యారు.

ఇంతకు ముందు తితిదే ఈవోగా ఉన్న అనిల్‌ కుమార్‌ సింఘాల్‌ను రాష్ట్ర ప్రభుత్వం వైద్య, ఆరోగ్యశాఖ ముఖ్య కార్యదర్శిగా బదిలీ చేసిన విషయం తెలిసిందే.