JEE Main 2023: జేఈఈ మెయిన్‌ JAN 28- 30 అడ్మిట్‌ కార్డులొచ్చేశాయ్.. డౌన్‌లోడ్ చేసుకోండిలా!

ఇంటర్నెట్‌ డెస్క్‌: దేశంలోని ప్రతిష్ఠాత్మక విద్యా సంస్థల్లో ఇంజినీరింగ్‌ కోర్సుల్లో ప్రవేశాలకు నిర్వహించే జేఈఈ మెయిన్‌ (JEE Main 2023) తొలి విడత పరీక్ష అడ్మిట్‌ కార్డులను నేషనల్‌ టెస్టింగ్‌ ఏజెన్సీ (NTA) విడుదల చేసింది. జనవరి 28, 29, 30 తేదీల్లో పరీక్ష జరిగే వారి అడ్మిట్‌ కార్డులు ఇప్పుడు అందుబాటులోకి ఉంచింది. jeemain.nta.nic.in వెబ్‌సైటు నుంచి అడ్మిట్‌ కార్డులను డౌన్‌లోడ్‌ చేసుకోవచ్చు. 

అడ్మిట్‌ కార్డు డౌన్‌లోడ్‌ ఇలా..

• jeemain.nta.nic.in వెబ్‌సైట్‌కు వెళ్లాలి.
• హోంపేజీలో జేఈఈ మెయిన్‌ అడ్మిట్‌ కార్డు 2023 సెషన్‌-1కు సంబంధించి లింక్‌పై క్లిక్‌ చేయాలి.
• మీ అప్లికేషన్‌ నంబర్‌, పుట్టిన తేదీ వివరాలతో లాగిన్‌ అవ్వాలి.
• జేఈఈ మెయిన్‌ అడ్మిట్‌ కార్డు స్క్రీన్‌పై కనిపిస్తుంది.
• ఆ తర్వాత దాన్ని డౌన్‌లోడ్‌ చేసుకోవచ్చు. ఆ కాపీని ప్రింటవుట్‌ తీసుకుని పెట్టుకోవాలి.
• కార్డుపై మీరు పరీక్ష రాసే నగరం, ఇతర వివరాలన్నీ ఉన్నాయో లేదో సరిచూసుకోండి.
• ఏదైనా సమస్య ఉంటే jeemain@nta.ac.in. ద్వారా ఎన్‌టీఏకి ఇ-మెయిల్‌ చేయొచ్చు.

దేశంలోని ట్రిపుల్‌ ఐటీలు, ఎన్‌ఐటీ, ఇతర విద్యా సంస్థల్లో ఇంజినీరింగ్‌ కోర్సుల్లో (BE/Btech/BArch,etc) ప్రవేశాల కోసం ఏటా జేఈఈ మెయిన్‌ పరీక్షలను నిర్వహిస్తుంటారు. మెయిన్‌లో అర్హత సాధించిన వారికి అడ్వాన్స్‌లో పరీక్ష నిర్వహిస్తారు. అందులో వచ్చే ర్యాంక్‌ ఆధారంగా కోర్సుల్లో ప్రవేశాలు కల్పిస్తారు.