JEE Main 2023 answer key: జేఈఈ మెయిన్‌ తుది ‘కీ’ విడుదల.. త్వరలో ఫలితాలు!

దిల్లీ: దేశంలోని ప్రతిష్ఠాత్మక విద్యా సంస్థల్లో ఇంజినీరింగ్‌ కోర్సుల్లో ప్రవేశాలకు నిర్వహించిన జేఈఈ మెయిన్‌(JEE main 2023) తొలి విడత పరీక్షల తుది కీ (JEE Main Session-1 (2023) – Answer Key) విడుదలైంది. జనవరి 24 నుంచి ఫిబ్రవరి 1వరకు ఈ పరీక్షలను నిర్వహించిన జాతీయ పరీక్షల సంస్థ (ఎన్‌టీఏ) సోమవారం తుది కీని విడుదల చేసింది. ఈ పరీక్షకు సంబంధించిన ప్రాథమిక ఆన్సర్‌ కీలతో పాటు ప్రశ్నాపత్రాలను ఇటీవల అధికారిక వెబ్‌సైట్‌లో అప్‌లోడ్‌ చేసి అభ్యంతరాలను స్వీకరించిన ఎన్‌టీఏ.. తాజాగా పరీక్ష -1 (బీటెక్‌/బీఈ)కు సంబంధించిన తుది కీ https://jeemain.nta.nic.in/ని విడుదల చేసింది. పేపర్‌ 2 (బీ.ఆర్క్‌/బీ.ప్లానింగ్‌)కు సంబంధించిన తుది కీని ఇంకా ప్రకటించలేదు. అలాగే, ఏ సమయంలోనైనా జేఈఈ మెయిన్‌ తొలి విడత పరీక్ష ఫలితాలను ప్రకటించే అవకాశం ఉంది. తొలి విడత పరీక్షను దేశ వ్యాప్తంగా దాదాపు 8.5లక్షల మందికి పైగా విద్యార్థులు రాసిన విషయం తెలిసిందే.