Andhra News: ఏయూలో జాబ్‌మేళా.. రిజిస్ట్రేషన్ చేసుకున్న 77వేల మంది: విజయసాయి

విశాఖ: ఆంధ్రా యూనివర్సిటీలో రేపటి నుంచి 860 మంది వాలంటీర్ల సహకారంతో రెండు రోజుల పాటు జాబ్‌ మేళా నిర్వహించనున్నట్లు వైకాపా ఎంపీ విజయసాయి తెలిపారు. విశాఖలో జాబ్‌మేళా బ్రోచర్‌ను ఆయన విడుదల చేశారు. ఉదయం 8 గంటల నుంచి సాయంత్రం 5 గంటల వరకు జాబ్‌మేళా నిర్వహించనున్నట్లు చెప్పారు. జాబ్‌మేళాకు 77 వేల మంది రిజిస్ట్రేషన్‌ చేసుకున్నట్లు విజయసాయి తెలిపారు. జాబ్‌మేళాలో 200కు పైగా కంపెనీలు పాల్గొంటాయని.. మొత్తంగా 23,935 పోస్టులను భర్తీ చేయనున్నట్లు వెల్లడించారు. దివ్యాంగుల కోసం ఎలక్ట్రిక్‌ వాహనాలను ఏర్పాటు చేయనున్నట్లు తెలిపారు. ఎంకికైన వారికి సాయంత్రం ధ్రువీకరణ పత్రాలు అందిస్తామన్నారు.