Andhra news : సీఎం జగన్‌ స్పందించకపోతే.. ఆత్మహత్యే శరణ్యం!

కడప: ముఖ్యమంత్రి జగన్‌ స్పందించి న్యాయం చేయకపోతే తన కుటుంబం మొత్తం ఆత్మహత్య చేసుకోక తప్పదని మైదుకూరు మండలం పప్పనపల్లె గ్రామపంచాయతీ ఓబుళాపురం వైకాపా నేత మూలే వెంకట్రామిరెడ్డి ఆవేదన వ్యక్తం చేశారు. గ్రామంలో తన డీలర్‌షిప్‌ను కక్షపూరితంగా కొంతమంది స్థానిక వైకాపా నేతలే రద్దు చేయించారని ఆరోపించారు. గ్రామంలో చిన్న చిన్న పనులు కూడా  కావడం లేదని ఆందోళన వ్యక్తం చేశారు. ‘‘ పార్టీ కోసం కష్టపడితే చివరకు తనకు అన్యాయం చేశారు. క్షేత్ర స్థాయిలో కార్యకర్తలకు జరుగుతున్న అన్యాయం ముఖ్యమంత్రికి చేరాలి. అకారణంగా తొలగించిన డీలర్‌షిప్‌ తిరిగి తనకు ఇప్పించాలి’’ అని అన్నారు. ఈ మేరకు ఓ సెల్ఫీ వీడియోను విడుదల చేశారు.తన లాంటి వైసీపీ కార్యకర్తలెవ్వరికీ అన్యాయం జరగకూడదని విజ్ఞప్తి చేశారు.