Kaloji University: కాళోజీ వర్సిటీ యాజమాన్య కోటా సీట్ల భర్తీకి నోటిఫికేషన్‌

హైదరాబాద్: తెలంగాణలోని ప్రైవేటు వైద్య కళాశాలల్లో యాజమాన్య కోటా సీట్ల భర్తీకి కాళోజీ ఆరోగ్య విశ్వవిద్యాలయం నోటిఫికేషన్‌ జారీ చేసింది. యాజమాన్య కోటాలో ఎంబీబీఎస్‌, బీడీఎస్‌ సీట్ల భర్తీకి వెబ్‌ కౌన్సెలింగ్‌ నోటిఫికేషన్‌ విడుదల చేసింది. ఈ నెల 12వ తేదీ నుంచి 14 వరకు వెబ్‌ ఆప్షన్ల నమోదు చేసుకోవాలని తెలిపింది. వర్సిటీ పరిధిలోని అన్ని కళాశాలలకు ఒకేసారి వెబ్‌ఆప్షన్లు నమోదు చేసేలా అవకాశం కల్పించింది. అన్ని కౌన్సెలింగ్‌లకు వెబ్‌ ఆప్షన్ల ఆధారంగానే సీట్ల కేటాయింపులు ఉంటాయని.. అందువల్ల ప్రాధాన్యతా క్రమంలో ఆప్షన్లు నమోదు చేసుకోవాలని వర్సిటీ సూచించింది.