karnataka: గర్ల్‌ఫ్రెండ్‌ని ట్రాలీ బ్యాగ్‌లో పెట్టి.. హాస్టల్‌ వార్డెన్‌కి రెడ్‌హ్యాండెడ్‌గా చిక్కి

ఇంటర్నెట్‌ డెస్క్‌: సినిమాల ప్రభావం జనాల మీద చాలా వరకే ఉంటుందన్నది అందరూ నమ్మే మాట. మొన్నటికి మొన్న ‘పుష్ప’లో అల్లు అర్జున్‌ మాదిరి స్మగ్లింగ్‌ చేస్తూ ఓ వ్యక్తి పోలీసులకు చిక్కాడు. ఇప్పుడూ మరో సినిమా సన్నివేశాన్ని పోలే సంఘటన కర్ణాటకలోని మనిపాల్‌ హాస్టల్‌లో చోటుచేసుకుంది. తన ప్రేయసితో కలిసి ఉండేందుకు ఏకంగా ఆమెను తన హాస్టల్‌ గదిలోకి తెచ్చేందుకు పన్నాగం పన్నాడు ఓ విద్యార్థి. అయితే అది విఫలమై అడ్డగా దొరికిపోయాడు. తనతో పాటు అదే కళాశాలలో చదువుతున్న తన ప్రేయసిని పెద్ద ట్రాలీ బ్యాగ్‌లో కుక్కేసి హాస్టల్‌ గదికి తీసుకొచ్చేందుకు ప్రయత్నం చేశాడు. అయితే దీన్ని గమనించిన హాస్టల్‌ వార్డెన్‌ అనుమానంతో అందులో ఏమున్నాయని ఆ విద్యార్థినిని ప్రశ్నించాడు. ఆన్‌లైన్‌ ఆర్డర్లు వచ్చాయని, అవే ట్రాలీలో ఉన్నాయని నమ్మబలికాడు. అయితే ఆ విషయాన్ని నమ్మని వార్డెన్‌ ట్రాలీని బలవంతంగా తెరిపించాడు. దీంతో ట్రాలీ నుంచి అమ్మాయి బయటకి రావడంతో వార్డెన్‌ అవాక్కయ్యాడు. తనతో ఏకాంతంగా గడిపేందుకే రూమ్‌కి తీసుకెళ్తున్నట్లు చివరికి విద్యార్థి ఒప్పుకోవడంతో.. సదరు కళాశాల విచారించి ఇద్దరిని సస్పెండ్‌ చేసి ఇంటికి పంపించింది.