Updated : 08 Nov 2021 16:13 IST

Milk: బకాయిలను చెల్లించండి.. లీటరుకు రూ.5 పెంచితేనే సరఫరా చేస్తాం: కర్ణాటక

అమరావతి: ఆంధ్రప్రదేశ్‌ ప్రభుత్వం తక్షణమే రూ.130కోట్ల పాల బకాయిలు చెల్లిస్తే గానీ.. అక్కడి అంగన్వాడీలకు పాలు సరఫరా చేయలేమని కర్ణాటక మిల్క్‌ ఫెడరేషన్‌(కేఎంఎఫ్‌) సోమవారం స్పష్టం చేసింది. అంతేగాక, ఇకపై పాల ధరను కూడా లీటరుకు రూ.5 చొప్పున పెంచుతున్నట్లు వెల్లడించింది.

సంపూర్ణ పోషణ పథకం కింద అంగన్వాడీలకు అందించే పాల కోసం ఆంధ్రప్రదేశ్ ప్రభుత్వం 2020 జూన్‌లో కర్ణాటక పాల సరఫరాదారుల సమాఖ్యతో ఒప్పందం కుదుర్చుకుంది. ఈ పథకం ద్వారా చిన్న పిల్లలకు పాలు అందిస్తున్నారన్న కారణంతో లీటర్‌ ధరపై రూ.5 తగ్గించేందుకు కూడా కేఎంఎఫ్‌ అంగీకరించింది. ఈ ఒప్పందం ప్రకారం ప్రతి నెలా 110లక్షల లీటర్ల పాలను ఏపీ సర్కారు కేఎంఎఫ్‌ నుంచి కొనుగోలు చేస్తోంది.

అయితే గత నాలుగు నెలలుగా ఏపీ ప్రభుత్వం.. కేఎంఎఫ్‌కు ఎలాంటి చెల్లింపులు చేయకపోవడంతో బకాయిలు పేరుకుపోయి రూ.130కోట్లకు చేరాయి. ఈ బకాయిల గురించి పలుమార్లు లేఖలు రాసినప్పటికీ ఏపీ సర్కారు నుంచి ఎలాంటి స్పందన రాలేదని కేఎంఎఫ్‌ మేనేజింగ్‌ డైరెక్టర్‌ బీసీ సతీశ్‌ తెలిపారు. మరోవైపు పెట్రోల్‌, డీజిల్‌ ధరలు పెరగడం, ఇతర ఖర్చులు పెరిగిపోవడంతో ఏపీ ప్రభుత్వానికిచ్చే రూ.5 సబ్సీడీని కూడా తొలగిస్తామని ఈ ఏడాది ఫిబ్రవరిలో కేఎంఎఫ్‌ తెలిపింది. దీనిపై కూడా ప్రభుత్వం స్పందించలేదని సతీశ్‌ పేర్కొన్నారు.

‘‘పెట్టుబడి ఖర్చులు, ఇంధన ధరలు పెరిగిపోవడంతో కర్ణాటక పాల యూనియన్లు నష్టాల్లో ఉన్నాయి. అందువల్ల పాత ధరకే పాలు సరఫరా చేయడం కుదరదు. అంతేగాక, ఏపీ ప్రభుత్వం బకాయిలు పడ్డ కారణంగా పాల ఉత్పత్తిదారులకు సకాలంలో డబ్బులు చెల్లించలేకపోతున్నాం. అందువల్ల ఏపీ ప్రభుత్వం రూ.130కోట్ల బకాయిలు చెల్లించడంతో పాటు పాల ధరను లీటరుకు రూ.5 పెంచితేనే ఇక మీదట పాలు సరఫరా చేయగలం’’ అని కేఎంఎఫ్‌ ఎండీ సతీశ్‌.. ఏపీ ప్రధాన కార్యదర్శికి రాసిన లేఖలో స్పష్టం చేశారు.

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని