Published : 24 Aug 2020 22:58 IST

కీసర తహసీల్దార్‌ కేసు: కస్టడీకి నలుగురు నిందితులు

హైదరాబాద్‌: వివాదాస్పద భూమి విషయంలో లంచం తీసుకుంటూ దొరికిపోయిన కీసర తహసీల్దార్‌ నాగరాజు కేసులో అనిశా దర్యాప్తు ముమ్మరం చేసింది. ఈ కేసు విచారణలో భాగంగా నలుగురు నిందితులను ఏసీబీ కోర్టు కస్టడీలోకి అనుమతించింది. తహసీల్దార్‌ నాగరాజు, శ్రీనాథ్‌, అంజిరెడ్డి, వీఆర్‌ఏ సాయిరాజ్‌ను ఈ నెల 25 నుంచి 27 వరకు మూడు రోజుల పాటు కస్టడీకి అనుమతిచ్చింది. న్యాయస్థానం అనుమతితో చంచలగూడ జైల్లో ఉన్న నలుగురు నిందితులను అనిశా అధికారులు కస్టడీలోకి తీసుకొని.. నాంపల్లిలోని అనిశా కార్యాలయంలో విచారించనున్నారు. ఈ కేసులో పట్టుబడిన రూ.కోటి పది లక్షలపై అధికారులు కూపీ లాగనున్నారు. అదేవిధంగా తహసీల్దార్‌ నాగరాజు సమక్షంలో బ్యాంక్‌ లాకర్‌ను తెరవనున్నారు. 

కోట్ల రూపాయల విలువైన భూమిని నిబంధనలకు విరుద్ధంగా స్థిరాస్తి వ్యాపారుల పేరు మీద మార్చడానికి తహసీల్దార్‌ నాగరాజు రూ.రెండు కోట్లు లంచం డిమాండ్‌ చేశారు. ఈ క్రమంలో స్థిరాస్తి వ్యాపారులు అంజిరెడ్డి, శ్రీనాథ్‌ కలిసి నాగరాజుకు రూ.కోటి 10లక్షలు లంచం ఇస్తుండగా పక్కా సమాచారంతో అనిశా అధికారులు పట్టుకున్న విషయం తెలిసిందే. 
 

Read latest General News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని