Feedback | E-PAPER | Pratibha

Komati jayaram: కందుకూరు ఘటన బాధితులకు రూ.లక్ష చొప్పున ఆర్థిక సాయం: కోమటి జయరామ్‌

బాధిత కుటుంబాలను ఆదుకునేందుకు తెదేపా ఎన్నారై విభాగం ముందుకొచ్చింది. మృతి చెందిన వారిలో ఒక్కో కుటుంబానికి రూ.లక్ష చొప్పున ఆర్థిక సాయం అందిస్తామని కోమటి జయరామ్‌ ప్రకటించారు.

Published : 30 Dec 2022 01:05 IST

అమరావతి: నెల్లూరు జిల్లా కందుకూరులో తెదేపా అధినేత చంద్రబాబు నాయుడు రోడ్‌ షో సందర్భంగా జరిగిన తొక్కిసలాటలో మరణించిన కుటుంబాలకు అండగా నిలిచేందుకు తెదేపా ఎన్నారై విభాగం ముందుకొచ్చింది. ఒక్కో కుటుంబానికి రూ.లక్ష చొప్పున ఆర్థిక సాయం అందిస్తామని తెదేపా ఎన్నారై సెల్‌ నాయకులు కోమటి జయరాం తెలిపారు.

నిన్న జరిగిన ఘటనలో 8మంది మృతి చెందిన విషయం తెలిసిందే. ఇప్పటికే ఒక్కో కుటుంబానికి తెలుగుదేశం తరఫున పార్టీ అధినేత చంద్రబాబు నాయుడు రూ.15లక్షల ఆర్థిక సాయం అందించారు. తెదేపా ఎన్నారై విభాగం, తన తరఫున ఒక్కో కుటుంబానికి రూ.లక్ష ఆర్థిక సాయం అందించనున్నట్టు కోమటి జయరామ్‌ ప్రకటించారు. బాధిత కుటుంబాలకు చెందిన పిల్లలు విదేశాల్లో చదువుకోవాలనుకుంటే అన్ని విధాలుగా సాయపడేందుకు తెదేపా ఎన్నారై విభాగం సిద్ధంగా ఉందని తెలిపారు.

► Read latest General News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.