‘విశాఖ ఉక్కును భిన్నంగా చూడాలి’

విశ్రాంత ఐపీఎస్‌ అధికారి లక్ష్మీనారాయణ

విశాఖపట్నం: దేశంలో మిగిలిన కర్మాగారాలకు భిన్నంగా విశాఖ ఉక్కును చూడాలని విశ్రాంత ఐపీఎస్‌ అధికారి లక్ష్మీనారాయణ అన్నారు. చిన్న చిన్న మార్పులతో విశాఖ ఉక్కును తిరిగి లాభాల్లోకి తీసుకు రావొచ్చని, ప్రైవేటీకరణ చేయాల్సిన అవసరం లేదని సూచించారు. నిపుణుల సలహాలతో కూడిన వినతిపత్రాన్ని కేంద్రానికి పంపనున్నట్టు లక్ష్మీనారాయణ తెలిపారు.

29వ రోజుకు చేరిన రిలే దీక్షలు..
విశాఖ ఉక్కు పరిరక్షణ పోరాట కమిటీ ఆధ్వర్యంలో చేపట్టిన రిలే దీక్షలు 29వ రోజుకు చేరాయి. తెదేపా నేత బండారు సత్యనారాయణ మూర్తి తదితరులు రిలే దీక్షలకు సంఘీ భావం తెలిపారు. సినీనటుడు శివాజీ దీక్షా శిబిరాన్ని సందర్శించి కార్మికులకు మద్దతు ప్రకటించారు.