YS Jagan: బెయిల్‌ ర‌ద్దు పిటిష‌న్‌పై విచార‌ణ‌

హైద‌రాబాద్‌: అక్రమాస్తుల కేసులో ఏపీ సీఎం జగన్‌ బెయిల్‌ రద్దు చేయాలంటూ వైకాపా ఎంపీ రఘురామకృష్ణరాజు వేసిన పిటిషన్‌పై సీబీఐ కోర్టులో విచారణ జ‌రిగింది. దీనిపై కౌంట‌ర్ దాఖ‌లు చేయాల‌ని న్యాయ‌స్థానం ఇది వ‌ర‌కే జ‌గ‌న్‌, సీబీఐను ఆదేశించింది.  ఈ నెల 7న విచార‌ణ‌ జ‌రిగిన స‌మ‌యంలో కౌంట‌ర్ దాఖ‌లుకు స‌మ‌యం కోరిన జ‌గ‌న్‌, సీబీఐ త‌ర‌ఫు న్యాయ‌వాదులు.. ఇవాళ కూడా మరోసారి గ‌డువు కోరారు. ఈ క్ర‌మంలో కౌంట‌ర్ దాఖ‌లు చేయ‌డానికి చివ‌రి అవ‌కాశం ఇచ్చిన సీబీఐ కోర్టు.. విచార‌ణ‌ను ఈ నెల 26కి వాయిదా వేసింది. జగన్‌ సాక్షులను ప్రభావితం చేస్తున్నారని రఘురామ తన పిటిషన్‌లో పేర్కొన్నారు. ఆయన బెయిల్‌ రద్దు చేసి వేగంగా విచారణ చేపట్టాలని కోరిన విష‌యం తెలిసిందే.