Anand Mahindra: నెటిజన్‌ సిల్లీ ప్రశ్న.. ఆనంద్‌ మహీంద్రా అదిరిపోయే రిప్లై!

ఓ నెటిజన్లు అడిగిన వింత ప్రశ్నకు వ్యాపార దిగ్గజం ఆనంద్‌ మహీంద్రా ఇచ్చిన సమాధానం నవ్వులు పూయిస్తోంది.......

Published : 19 May 2022 02:20 IST

ఇంటర్నెట్‌ డెస్క్‌: సామాజిక మాధ్యమాల్లో నిత్యం చురుగ్గా ఉంటూ.. ఎన్నో కొత్త విషయాలను పంచుకుంటుంటారు ప్రముఖ వ్యాపార దిగ్గజం ఆనంద్‌ మహీంద్రా. స్ఫూర్తి నింపే మాటలు చెబుతూనే కొన్నిసార్లు చమత్కారాలు విసురుతారు. నెటిజన్ల నుంచి ఆసక్తికరమైన, వింత ప్రశ్నలు ఎదురైనప్పుడు తనదైన శైలిలో సమాధానాలు ఇస్తుంటారు. తాజాగా ఎదురైన ఓ ప్రశ్నకు ఇచ్చిన సమాధానం నవ్వులు పూయిస్తోంది.

మహీంద్రా కార్లను ₹10వేల లోపే తయారు చేయొచ్చు కదా అని ఆనంద్‌ మహీంద్రాను రాజ్‌ శ్రీవాత్సవ అనే నెటిజన్‌ ట్విటర్‌లో ప్రశ్నించాడు. ప్రస్తుత పరిస్థితుల్లో ఇది సాధ్యమే కాదు అని చెప్పకనే చెబుతూ ఈ వ్యాపార దిగ్గజం తనదైన శైలిలో అదిరిపోయే రిప్లై ఇచ్చారు. ‘మేం అంతకంటే చౌకైన వాహనాలను అందిస్తున్నాం. వాటి ధర కేవలం ₹1.5వేల లోపే’ అంటూ.. ఓ ఆన్‌లైన్ వేదికగా విక్రయిస్తున్న థార్‌ బొమ్మ కారు ఫొటోలను ట్యాగ్‌ చేస్తూ నవ్వుతున్న ఎమోజీని దీనికి జతచేశారు. మహీంద్రా సమాధానానికి నెటిజన్లు పగలబడి నవ్వుతున్నారు.


Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని