Anand Mahindra: ఇచ్చిన మాట నిలబెట్టుకున్న ఆనంద్ మహీంద్రా
ఓ యువకుడికి ఇచ్చిన హామీని ఆనంద్ మహీంద్రా నెరవేర్చారు. వ్యర్థ పదార్థాలను వినియోగించి ఐరన్ మ్యాన్ సూట్ నమూనాను తయారు చేసిన ఓ యువకుడి భవిష్యత్తుకు బంగారు బాటలు వేయనున్నారు.....
సాకారం కానున్న యువకుడి కల
ఇంటర్నెట్ డెస్క్: సామాజిక మాధ్యమాల్లో నిత్యం చురుగ్గా ఉండే వ్యాపార దిగ్గజం ఆనంద్ మహీంద్రా.. ప్రతిభను గల యువత గురించి ప్రస్తావిస్తూ వారిని ప్రోత్సహిస్తూ ఉంటారు. వారి టాలెంట్ బయటి ప్రపంచానికి తెలిసేలా సహాయం చేస్తూ ఉంటారు. కొద్ది రోజుల క్రితం ఓ యువకుడికి ఇచ్చిన హామీని తాజాగా ఆయన నెరవేర్చారు. వ్యర్థ పదార్థాలను వినియోగించి ఐరన్ మ్యాన్ సూట్ నమూనాను తయారు చేసిన ఓ యువకుడి భవిష్యత్తుకు బంగారు బాటలు వేయనున్నారు. వ్యర్థ పదార్థాలను వినియోగించి.. ఐరన్ మ్యాన్ సూట్లా ఉండే పరికరాలను ఓ యువకుడు తయారు చేసి కొద్దిరోజుల క్రితం సోషల్ మీడియాలో పంచుకున్నాడు. ఎలాంటి శిక్షణ లేకుండా వాటిని రూపొందించినట్లు తెలిపాడు. ‘మెకానికల్ ఇంజినీరింగ్ చదవాలనుకుంటున్నా కానీ ఆర్థిక స్తోమత లేక ఇబ్బంది పడుతున్నా’ అని ఆ వీడియోలో తెలిపాడు.
ఆ వీడియో కాస్తా వ్యాపార దిగ్గజం ఆనంద్ మహీంద్రా దృష్టికి చేరింది. సెప్టెంబర్ 20న ఆ వీడియోను ట్విటర్లో పంచుకుంటూ ‘ఈ టోనీ స్టార్క్ గురించి మాట్లాడుకుందా. ఒరిజినల్ ఐరన్మ్యాన్. ఆ యువకుడితోపాటు అతడి తోబుట్టువుల విద్యకు చేయూతనందిస్తాం. అతడి గురించి మాకు తెలియజేస్తే దాన్ని గౌరవంగా భావిస్తాం. వీడియో ఫార్వర్డ్ చేసినందుకు ధన్యవాదాలు’ అంటూ ట్వీట్ చేశారు. కాగా ఆ యువకుడి వివరాలను ఆనంద్ మహీంద్రా బృందం తాజాగా తెలుసుకుంది. అతడు మణిపుర్కు చెందిన ప్రేమ్గా గుర్తించారు. అతడి గురించి ఆనంద్ మహీంద్రా ప్రస్తావిస్తూ.. ప్రేమ్ ఆశయం, అతడి ప్రతిభను చూసి స్ఫూర్తి పొందినట్లు పేర్కొన్నారు. మన చుట్టూ ఎన్నో వనరులు ఉన్నా వాటిని సద్వినియోగం చేసుకోలేకపోతున్నామని.. కానీ ప్రేమ్ మాత్రం వ్యర్థాలు, చిన్న పరికాలను ఉపయోగించి అద్భుతాన్ని ఆవిష్కరించినట్లు కొనియాడారు. సూట్ తయారు చేసేందుకు యువకుడు గీసిన ప్లానింగ్, తయారైన సూట్కు సంబంధించి పలు ఫొటోలను పంచుకున్నారు.
తాజాగా తన సంస్థకు చెందిన బృందం ప్రేమ్ ఇంటికి వెళ్లి అతడి కుటుంబ సభ్యులను కలిసినట్లు తెలిపారు. ప్రేమ్ ఎదుగుదలకు సహాయపడతామని, అతడి కెరీర్కు మహీంద్రా గ్రూప్ చీఫ్ డిజైన్ ఆఫీసర్ మార్గనిర్దేశం చేస్తారని పేర్కొన్నారు. అతడి తోబుట్టువుల చదువులకు కూడా చేయూతనిస్తామని వారికి హామీ ఇచ్చినట్లు ఆనంద్ మహీంద్రా స్పష్టం చేశారు. అధికారులు ప్రేమ్ ఇంటిని సందర్శించిన పలు ఫొటోలను సైతం మహీంద్రా పంచుకున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం.. -
కొండగట్టు క్షేత్రంలో ఘనంగా హనుమాన్ జయంతి
ప్రముఖ పుణ్యక్షేత్రం కొండగట్టు అంజన్న ఆలయంలో చిన్న హనుమాన్ జయంతి వేడుకలు ఘనంగా జరుగుతున్నాయి. -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం.. -
పాటలతో రీల్స్.. మాటలతో మీమ్స్
లోక్సభ ఎన్నికల్లో భాగంగా ఇప్పటికే నామపత్రాల ప్రక్రియ జోరందుకొంది. ప్రధాన రాజకీయ పార్టీల అభ్యర్థులు క్షేత్రస్థాయిలో తిరుగుతూ ప్రచారం చేస్తూనే సామాజిక మాధ్యమాల్లోనూ చురుగ్గా ఉంటున్నారు. -
భగభగ మండే
విపరీతమైన ఎండలకు మిర్యాలగూడ ప్రాంతం మాడిపోతోంది. సోమవారం మండల పరిధిలోని టీక్యాతండాలో రాష్ట్రంలోనే అత్యధిక ఉష్ణోగ్రత 45 డిగ్రీలు నమోదైంది. -
పట్టాలెక్కని ప్రతిపాదనలు
ఉమ్మడి జిల్లాలో రైల్వే శాఖాపరంగా అభివృద్ధికి అడుగులు పడాలని ప్రయాణికులు ఆశిస్తున్నారు. -
ప్రతి ఓటును ఒడిసిపట్టేలా..
సిట్టింగ్ స్థానాన్ని నిలబెట్టుకోవాలని భారాస.. పాతికేళ్ల తర్వాత అవకాశాలు మెరుగ్గా ఉన్నాయని కాంగ్రెస్... ఈసారి సత్తా చాటాలని భాజపా.. పక్కా వ్యూహంతో ముందుకు కదులుతున్నాయి. -
నేటి రాశి ఫలాలు.. 12 రాశుల ఫలితాలు ఇలా... (23/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు.
తాజా వార్తలు (Latest News)
-
మాధురి దీక్షిత్తో నటించాలంటే భయమేసింది: మనీషా కొయిరాలా
-
రోహిత్తో ఓపెనింగ్ చేసేది ఎవరు? మీ ఛాయిస్ ఎవరు?
-
యాడ్ సైజ్లోనే ‘క్షమాపణలు’ ప్రచురించారా?.. పతంజలిని ప్రశ్నించిన సుప్రీం
-
తెలుగులో ‘నాయట్టు’.. స్ట్రీమింగ్ ఎక్కడంటే?
-
ఈనాడు.నెట్లో టాప్ 10 వార్తలు @ 1 PM
-
దుబాయ్ వరదలకు ముందు.. తర్వాత: శాటిలైట్ చిత్రాల్లో ఇలా