Harish Rao: త్వరలోనే గ్రూప్‌-4 నోటిఫికేషన్‌: తెలంగాణ మంత్రి హరీశ్‌రావు

సిద్దిపేట: కేంద్రం అగ్నిపథ్‌ పేరుతో నిరుద్యోగులను నిండా ముంచిందని తెలంగాణ మంత్రి హరీశ్‌రావు విమర్శించారు. యువత జీవితాల్ని నాశనం చేసే విధంగా కేంద్రం నిర్ణయాలు ఉన్నాయన్నారు. సిద్దిపేటలో కానిస్టేబుల్‌, ఎస్సై ఉద్యోగాలకు శిక్షణ పొందుతున్నవారికి పాలు, పండ్లను మంత్రి పంపిణీ చేశారు.

ఈ సందర్భంగా ఆయన మీడియాతో మాట్లాడారు. త్వరలోనే రాష్ట్రంలో గ్రూప్‌ - 4 ఉద్యోగాలకు నోటిఫికేషన్‌ విడుదల చేస్తామని చెప్పారు. రాష్ట్రంలో ఇప్పటికే 17వేలకు పైగా పోలీసు ఉద్యోగాలు భర్తీ చేస్తున్నామన్నారు. ఆ శాఖలోనే మరో 2 వేల పోస్టులు భర్తీ చేస్తామని వివరించారు.  95శాతం స్థానికులకే ఉద్యోగాలు వచ్చేలా ప్రభుత్వం చర్యలు చేపట్టినట్లు హరీశ్‌రావు వివరించారు.