KTR: రాష్ట్ర విభజనతో రెండుగా విడిపోయి ఉండవచ్చు.. కానీ!: కేటీఆర్‌

హైదరాబాద్‌: ఆంధ్రప్రదేశ్‌ మంత్రి బొత్స సత్యనారాయణ కుమారుడి వివాహానికి నిన్న వెళ్లినట్లు.. ఏపీ నుంచి వచ్చిన సోదరుల ప్రేమతో పొంగిపోయా అని మంత్రి కేటీఆర్‌ అన్నారు. ‘‘రాష్ట్ర విభజన జరిగి రెండుగా విడిపోయి ఉండవచ్చు. తెలంగాణ, ఏపీ మధ్య వ్యక్తిగతంగా ప్రేమాభిమానాలు అలాగే ఉంటాయి’’ అని కేటీఆర్‌ ట్వీట్‌ చేశారు.

బొత్స కుమారుడు సందీప్‌ వివాహం వ్యాపారవేత్త కదిరి బాలకృష్ణ కుమార్తె పూజితతో శుక్రవారం జరిగింది. మాదాపూర్‌లోని హైటెక్స్‌లో జరిగిన ఈ వేడుకకు ఏపీ సీఎం జగన్‌ దంపతులు, తెలంగాణ మంత్రి కేటీఆర్‌, ఏపీ అసెంబ్లీ స్పీకర్‌ తమ్మినేని సీతారాం తదితర ప్రముఖులు హాజరైన విషయం తెలిసిందే.