KTR: సీబీఐపై ప్రధానికే నమ్మకం లేదు.. ప్రజలెందుకు నమ్ముతారు?: కేటీఆర్‌

హైదరాబాద్‌: సీబీఐ వంటి కేంద్ర దర్యాప్తు సంస్థలపై ప్రధానమంత్రి నరేంద్ర మోదీకే నమ్మకం లేదని తెలంగాణ ఐటీ, పరిశ్రమల శాఖ మంత్రి కేటీఆర్ అన్నారు. ప్రధానికే నమ్మకం లేనప్పుడు దేశ ప్రజలు ఎందుకు నమ్ముతారని ప్రశ్నించారు. టీఎస్‌పీఎస్సీ ప్రశ్నపత్రాల లీకేజీ కేసు దర్యాప్తును సీబీఐకి అప్పగించాలన్న డిమాండ్లపై కేటీఆర్‌ పరోక్షంగా స్పందించారు. ఈ మేరకు సీబీఐ వంటి సంస్థలపై దేశ ప్రజలకు ఎందుకు నమ్మకం లేదంటూ గతంలో మోదీ చేసిన ట్వీట్లను ఆయన ట్యాగ్‌ చేశారు. అలాంటి సీబీఐపై ఇప్పుడు ప్రజలకు నమ్మకం ఎలా వచ్చిందని ప్రశ్నించారు.