Andhra News: మార్చి 31 నాటికి 100కు పైగా సబ్‌స్టేషన్లు: మంత్రి పెద్దిరెడ్డి

అమరావతి: వేసవి దృష్ట్యా రాష్ట్రంలో విద్యుత్‌ కొరతకు ఎలాంటి ఇబ్బందులు తలెత్తకుండా చర్యలు తీసుకోవడంపై దృష్టిపెట్టామని మంత్రి పెద్దిరెడ్డి రామచంద్రారెడ్డి (Peddireddy Ramachandra Reddy) తెలిపారు. ఈ ఏడాది లక్షకు పైగా వ్యవసాయ విద్యుత్‌ కనెక్షన్లు ఇచ్చామన్న మంత్రి.. మార్చిలోగా పెండింగ్‌ కనెక్షన్లు కూడా పూర్తి చేస్తామని స్పష్టం చేశారు. ఈ మేరకు విద్యుత్‌ సరఫరా, పంపిణీ అంశాలపై సచివాలయంలో జెన్‌కో, ట్రాన్స్‌కో అధికారులతో ఆయన సమీక్ష నిర్వహించారు.

అనంతరం సమీక్ష వివరాలను పెద్దిరెడ్డి మీడియాకు వెల్లడించారు. మార్చి 31 నాటికి 100కు పైగా సబ్‌స్టేషన్లు ప్రారంభిస్తామని తెలిపారు. జగనన్న కాలనీల్లో విద్యుత్‌ కనెక్షన్లు, సరఫరా లైన్లు పూర్తి చేయడానికి సమీక్షలో నిర్ణయం తీసుకున్నామన్నారు. థర్మల్‌ పవర్‌ స్టేషన్లలో బొగ్గు కొరత లేకుండా చూడాలని అధికారులను ఆదేశించామన్నారు. 2-3  నెలలకోసారి బొగ్గు కొనుగోలు చేసేలా చర్యలు తీసుకుంటామని పెద్దిరెడ్డి చెప్పారు.