Mask must: రోడ్డుపై కారు ఆపి మాస్కులు పంచిపెట్టిన సీఎం.. వీడియో

చెన్నై:  తమిళనాడులో అధికారంలోకి వచ్చిన కొద్ది కాలంలోనే వినూత్న నిర్ణయాలతో పాలనలో తనదైన ముద్ర వేసుకున్నారు ముఖ్యమంత్రి ఎంకే స్టాలిన్. ప్రజల్లో తిరుగుతూ వారి సమస్యలను తెలుసుకుంటున్న ఆయన తాజాగా కరోనా మళ్లీ విజృంభిస్తున్న వేళ మరోసారి తన ప్రత్యేకతను చాటుకున్నారు. దేశంలో కొవిడ్‌ కేసులు భారీగా పెరుగుతున్న తరుణంలో చెన్నై వీధుల్లో తన కాన్వాయ్‌ని ఆపి మాస్కుల్లేకుండా తిరుగుతూ నిబంధనలు ఉల్లంఘిస్తున్న వారికి మాస్కులు పంచి పెట్టారు. ఈ వీడియోని ఆయన ట్విటర్‌లో పంచుకున్నారు. హెడ్‌ క్వార్డర్స్‌ నుంచి క్యాంప్‌ ఆఫీస్‌కు వస్తున్న దారిలో కొందరు మాస్కుల్లేకుండా బహిరంగంగా తిరగడం గమనించానన్న స్టాలిన్‌.. వారికి మాస్కులు ఇచ్చినట్టు పేర్కొన్నారు. ప్రతి ఒక్కరూ తప్పనిసరిగా మాస్కులు ధరించడంతో పాటు వ్యాక్సిన్‌ వేయించుకోవడం, ఎప్పటికప్పుడు చేతుల్ని శానిటైజ్‌ చేసుకోవడం, భౌతికదూరం పాటించడం వంటి చర్యలు తీసుకోవాలంటూ ప్రజలకు విజ్ఞప్తి చేశారు.

► Read latest National - International News and Telugu News