Monsoon: నైరుతి మరో రెండు రోజుల ఆలస్యం

దిల్లీ: నైరుతి రుతు పవనాలు మరో రెండు రోజులు ఆలస్యం కానున్నాయి. జూన్‌ 3న ఇవి కేరళ తీరాన్ని తాకనున్నాయని భారత వాతావరణ శాఖ (ఐఎండీ) వెల్లడించింది. కర్ణాటక తీరంలో ఉపరితల ఆవర్తనం  కారణంగా రుతుపవనాల రాక ఆలస్యమవుతున్నట్లు ఐఎండీ డైరెక్టర్‌ జనరల్‌ ఎం మొహాపాత్ర వెల్లడించారు. నైరుతి రుతుపవనాలు జూన్‌ 1 నుంచి మరింత బలపడతాయని, దీంతో కేరళలో వర్షాలు ప్రారంభమవుతాయని తెలిపారు. జూన్‌ 3న ఇవి కేరళను తాకుతాయని చెప్పారు. వాస్తవానికి జూన్‌ 1నే కేరళ తీరాన్ని రుతు పవనాలు తాకుతాయని గతంలో ఐఎండీ వెల్లడించింది. ఈ సారి దేశంలో సాధారణ వర్షపాతమే నమోదయ్యే అవకాశం ఉందని అంచనా వేసింది. నైరుతి రుతు పవనాలు ఒకసారి దేశంలోకి ప్రవేశించాక నాలుగు నెలల పాటు దేశవ్యాప్తంగా విస్తారంగా వర్షాలు కురుస్తాయి.