Nara Lokesh: ఎన్నో త్యాగాలు చేసిన ఆయనే నా సూపర్‌ స్టార్‌: లోకేశ్‌

అమరావతి: తెదేపా అధినేత, తన తండ్రి చంద్రబాబు పుట్టినరోజు సందర్భంగా ఆయన కుమారుడు, ఆ పార్టీ జాతీయ ప్రధాన కార్యదర్శి లోకేశ్‌ శుభాకాంక్షలు తెలిపారు. ‘‘పుట్టిన రోజు సందర్భంగా నాన్నకు శుభాకాంక్షలు. తెలుగువారికి చంద్రబాబు అంటే ఒక భరోసా. లక్షల ఉద్యోగాలిచ్చి కోట్ల మందికి అన్నదాత అయ్యారు. లక్షలాది తెలుగుదేశం సైనికులకు ఆయనే ఒక ధైర్యం. సొంత కుటుంబం కాకుండా.. తెలుగుజాతినే కుటుంబం చేసుకున్నారు. ఆ కుటుంబం కోసం ఎన్నో త్యాగాలు చేసిన ఆయనే నా సూపర్‌ స్టార్‌’’ అని లోకేశ్‌ ట్వీట్‌ చేశారు.

పవన్‌ శుభాకాంక్షలు..

చంద్రబాబుకు జనసేన అధినేత పవన్‌ కల్యాణ్‌ పుట్టినరోజు శుభాకాంక్షలు తెలిపారు. ఆయనకు భగవంతుడు ఆశీస్సులు అందించి, సంపూర్ణ ఆయురారోగ్యాలు ఇవ్వాలని పవన్‌ ఆకాంక్షించారు.