Viral news: ఇళ్లలోనే పుర్రెలు.. ఏడాదికోసారి పండగ !

అక్కడ పుర్రెలను భద్రంగా ఇంట్లో దాచుకుంటారు. ఏడాదికోసారి బయటకు తీసి ప్రార్థనలు చేస్తారు. తమకు మంచి జరగాలని వేడుకుంటారు. కపాలం నోట్లో సిగరెట్‌ పెట్టి, వాటి ముందు కొవ్వొత్తి వెలిగించి అభిమానాన్ని చాటుకుంటారు. పుర్రెలను అందంగా అలంకరించి వాటిని ప్రార్థిస్తే అంతా మంచే జరుగుతుందని బొలివియా దేశ ప్రజల..

Published : 10 Nov 2021 01:26 IST

బొలివియా: అక్కడ పుర్రెలను భద్రంగా ఇంట్లో దాచుకుంటారు. ఏడాదికోసారి బయటకు తీసి ప్రార్థనలు చేస్తారు. తమకు మంచి జరగాలని వేడుకుంటారు. కపాలం నోట్లో సిగరెట్‌ పెట్టి, వాటి ముందు కొవ్వొత్తి వెలిగించి అభిమానాన్ని చాటుకుంటారు. పుర్రెలను అందంగా అలంకరించి వాటిని ప్రార్థిస్తే అంతా మంచే జరుగుతుందని బొలివియా దేశ ప్రజలు విశ్వసిస్తారు.

మరణించిన తమవారి ఆత్మ పుర్రెలో ఉంటుందని బొలివియా ప్రజలు భావిస్తారు. తమ కష్టాలను కపాలానికి మొరపెట్టుకొని మంచి జరగాలని వేడుకుంటారు. ఏడాదికోసారి పుర్రెలను అందంగా అలంకరించి పండుగ చేసుకుంటారు. బొలీవియా రాజధాని లాపాజ్‌లో స్కల్‌ ఫెస్టివల్‌ను ఘనంగా నిర్వహించారు. కుంటుంబంలో చనిపోయిన వారి ప్రతిరూపంగా దాచుకున్న కపాలాలను అందంగా అలంకరించి ప్రత్యేక పూజలు చేశారు. ప్రతి ఏడాదీ నవంబరు నెల ఆరంభంలో బొలివియాలో ఐమారా ప్రజలు ‘నతిత’ పేరుతో ఈ వేడుక నిర్వహిస్తారు. కుటుంబంలో చనిపోయిన వారి పుర్రెలను పూలతో అందంగా అలంకరించి ఆరాధిస్తారు. ప్రతీ వ్యక్తికి ఏడు ఆత్మలుంటాయని, అందులో ఒకటి మానవ పుర్రెలో ఉంటుందని భావించి ప్రార్థనలు చేస్తారు. ఇలా చేయడం వల్ల తమను ఆ పుర్రెలోని ఆత్మ రక్షిస్తుందని.. మంచి జరిగేలా చూస్తుందని భావిస్తారు. ఈ వేడుకలో భాగంగా కపాలాలను అందమైన దండలు, టోపీలు, వివిధ ఉపకరణాలతో సుందరంగా అలంకరిస్తారు.

స్కల్‌ ఫెస్టివల్‌లో భాగంగా పుర్రెలను తమ కుటుంబాలు భద్రంగా దాచుకుంటాయి. వాటిని ప్రార్థనాలయాలకు తీసుకెళ్లి ప్రార్థనలు చేస్తారు. మరణించిన వారి ప్రతిరూపంగా వీటిని తాము భావిస్తామని ఐమారా ప్రజలు వెల్లడించారు. ఈ సామూహిక వేడుకల్లో పవిత్ర జలాలతో కపాలాలను శుభ్రపరుస్తారు. మతపరమైన పూజలు నిర్వహిస్తారు. తరతరాలుగా తాము ఈ సంప్రదాయాన్ని పాటిస్తున్నామని ఇలా చేయడం వల్ల తమకు మంచి జరుగుతుందన్న నమ్మకం ఉందని స్థానిక ప్రజలు అంటున్నారు.


Read latest General News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని