సూర్యప్రభ వాహనంపై శ్రీనివాసుడు

తిరుమల: తిరుమల శ్రీవారి నవరాత్రి బ్రహ్మోత్సవాలు వైభవంగా సాగుతున్నాయి. బ్రహ్మోత్సవాల్లో భాగంగా గురువారం ఉదయం స్వామివారు సూర్యప్రభ వాహనంపై భక్తులకు దర్శనమిచ్చారు. గాయత్రీ మంత్రంతో సూర్య భగవానుడు దేదీప్యమానుడై వెలుగొందారు. సూర్యప్రభపై తిరుమలేశుడి దర్శనంతో ఆరోగ్యం, ఐశ్వర్య భాగ్యం సిద్ధిస్తుందని భక్తుల విశ్వాసం. అర్చకులు, జీయంగార్ల వేదమంత్రోచ్ఛరణలు, మంగళవాయిద్యాల నడుమ వైదిక కార్యక్రమాలను శాస్త్రోక్తంగా నిర్వహించారు. కరోనా ప్రభావంతో ఉత్సవాలను ఆలయానికే పరిమితం చేయడంతో మాఢవీధుల్లో నిర్వహించాల్సిన కార్యక్రమాలన్నింటినీ ఆలయంలోనే చేశారు.