Neelakurinji flowers: 12ఏళ్లకు ఒకసారి పూసే పూలను చూశారా?

బెంగళూరు: చూడటానికి కన్నులపండువగా ఉన్న ఈ పూలు భలే ఉన్నాయి కదూ! కనువిందు చూసే ఈ ఊదా రంగు పూలు 12ఏళ్లకొకసారి పూస్తాయి. వీటిని నీలకురింజి అంటారు. కర్ణాటకలోని మందల్పట్టి  పుష్పగిరి, కొట్టే బెట్టా కొండల్లో ఇవి దర్శనమిస్తాయి. అరుదుగా పూసే ఈ పూలను చూసేందుకు వారం రోజులుగా పర్యాటకులు వరుసగా క్యూ కడుతున్నారట. లాక్‌డౌన్‌కి మినహయింపు ఇవ్వడంతో వీరి సంఖ్య మరింత పెరిగింది.  ప్రస్తుతం ప్రాంతమంతా ఊదారంగు పూలతో పూర్తిగా నిండిపోయి, ఆహ్లాదాన్ని పంచుతోంది. ఈ సుమనోహర ఈ ప్రాంతం సముద్రమట్టానికి 1300-2400మీటర్ల ఎత్తులో ఉంటుంది. కర్ణాటక రాష్ట్ర వ్యాప్తంగా 45 రకాల నీలకురింజీ పూలు ఉండగా.. అవన్నీ వేర్వేరు ఎత్తులో పెరుగుతుంటాయి. ఏరియల్‌ వ్యూలో ఈ ప్రదేశాన్ని, పూల అందాలను ఆస్వాదించేందుకు హెలి ట్యాక్సీ సర్వీసెస్‌ ప్రత్యేక రైడ్స్‌ను ప్రవేశపెట్టింది. రూ.2,30,000 వెచ్చిస్తే ప్రదేశం మొత్తం హెలికాఫ్టర్‌లో చూడొచ్చు.