Andhra News: కొత్త జిల్లాలకు కలెక్టర్ల నియామకం

అమరావతి: ఆంధ్రప్రదేశ్‌లో జిల్లాల పునర్‌వ్యవస్థీకరణలో మరో ముందడుగు పడింది. రాష్ట్రంలోని 26 జిల్లాలకు కొత్త కలెక్టర్లను నియమిస్తూ ప్రభుత్వం తాజాగా ఉత్తర్వులు జారీ చేసింది. అల్లూరి సీతారామరాజు జిల్లా కలెక్టర్‌గా సుమిత్‌కుమార్‌, అనకాపల్లి జిల్లాకు రవి సుభాష్‌, కాకినాడ జిల్లా కలెక్టర్‌గా కృతికా శుక్లా, తూర్పుగోదావరి జిల్లాకు మాధవీలత, కోనసీమ జిల్లాకు హిమాన్షు శుక్లా, పశ్చిమ గోదావరి జిల్లా పి.ప్రశాంతి, ఏలూరుకు ప్రసన్న వెంకటేశ్‌, మన్యం జిల్లా కలెక్టర్‌గా నిశాంత్‌ కుమార్‌ను నియమిస్తున్నట్లు ఉత్తర్వుల్లో పేర్కొంది.  ఇప్పటికే విధులు నిర్వర్తిస్తున్న శ్రీకాకుళం, విజయనగరం, విశాఖ జిల్లా కలెక్టర్లు వారి స్థానాల్లో యధావిధిగా కొనసాగుతారని తెలిపింది. మరిన్ని జిల్లాల కలెక్టర్ల వివరాలు తెలియాల్సి ఉంది.