Registrations: తెలంగాణలో నిలిచిన కొత్త వాహనాల రిజిస్ట్రేషన్లు

హైదరాబాద్: తెలంగాణ వ్యాప్తంగా ఆర్టీఏ కార్యాలయాల్లో బుధవారం రిజిస్ట్రేషన్ సేవలు నిలిచిపోయాయి. ఆర్టీఏ శాఖ సర్వర్ డౌన్ కావడంతో ఈ సమస్య తలెత్తినట్లు అధికారులు తెలిపారు. ఆర్టీఏ వెబ్ సైట్‌లో పాత, కొత్త వాహనాల వివరాలు కనిపించడంలేదని వాహనదారులు వాపోయారు. దీంతో ఇవాళ స్లాట్లు బుక్ చేసుకున్నప్పటికీ.. రిజిస్ట్రేషన్ చేయించుకోలేకపోయినట్లు ఆందోళన వ్యక్తం చేశారు. బుధవారం స్లాట్ బుక్ చేసుకుని రిజిస్ట్రేషన్ కాని వాహనదారులకు మరొకరోజు స్లాట్ కేటాయించనున్నట్లు రవాణాశాఖ అధికారులు తెలియజేశారు. దానికి సంబంధించిన పనులను సంబంధిత శాఖ చేపడుతుందని... వీలైనంత త్వరలోనే సమస్యను పరిష్కరిస్తామని తెలిపారు. రేపటి నుంచి యథావిధిగా పనులు కొనసాగుతాయని రవాణాశాఖ ఉన్నతాధికారులు పేర్కొన్నారు.