వనస్థలిపురం ఏరియా ఆస్పత్రిలో దారుణం

హైదరాబాద్: వనస్థలిపురం ఏరియా ఆస్పత్రిలో దారుణం చోటుచేసుకుంది. వైద్యుల నిర్లక్ష్యం కారణంగా అప్పుడే పుట్టిన చిన్నారి మృతి చెందాడని బంధువులు ఆరోపించారు. ఈ నెల 5న ఆస్పత్రిలో చేర్పించుకుని పురిటినొప్పులు వచ్చినప్పటికీ పట్టించుకోకుండా వైద్యులు నిర్లక్ష్యం చేశారని కుటుంబ సభ్యులు ఆవేదన వ్యక్తం చేశారు. మూడు రోజుల తర్వాత ఆపరేషన్‌ చేశారని, పుట్టిన బాబు ఉమ్మనీరు తాగి మృతి చెందినట్లు చెప్పారని మండిపడ్డారు. వైద్యులు సమయానికి ఆపరేషన్‌ చేయకుండా బాబు మృతికి కారణయ్యారని బంధువులు ఆరోపిస్తూ ఆస్పత్రి ముందు ఆందోళనకు దిగారు. బాధ్యులపై చర్యలు తీసుకోవాలని పోలీసులకు ఫిర్యాదు చేశారు.