AP News: సాధారణ బదిలీల్లో మినహాయింపుపై ఆ లేఖలు పరిగణనలోకి తీసుకోవద్దు: జీఏడీ

అమరావతి: సాధారణ బదిలీల్లో మినహాయింపు కోరుతూ ఉద్యోగ సంఘాలు జారీ చేసే ఆఫీస్‌ బేరర్ల లేఖల నిలుపుదలకు ప్రభుత్వం ఆదేశాలు జారీ చేసింది. ఈ మేరకు అన్ని శాఖల కార్యదర్శులు, విభాగాధిపతులు, జిల్లా కలెక్టర్లకు సాధారణ పరిపాలనశాఖ ఆదేశాలు జారీ చేసింది. అన్ని ప్రభుత్వ ఉద్యోగ సంఘాలు, సర్వీసెస్‌ అసోసియేషన్ల లేఖలను పరిగణనలోకి తీసుకోవద్దని సూచనలిచ్చింది. సిఫార్సు లేఖల్లో నకిలీవి ఉంటున్నాయని తమ దృష్టికి వచ్చిందని ప్రభుత్వం ఉత్తర్వుల్లో పేర్కొంది. రాష్ట్ర, జిల్లా, డివిజన్‌, మండల స్థాయిల్లోనూ నకిలీ లేఖలు వస్తున్నాయని తెలిపింది. ఆఫీస్‌ బేరర్ల సిఫార్సు లేఖలను పరిశీలించాలని ఆదేశాలు జారీ చేసింది. సాధారణ బదిలీల నుంచి మినహాయింపు కోసం ఆఫీస్‌ బేరర్లుగా లేఖలు ఇచ్చిన ఉద్యోగుల వివరాలు తెలియజేయాలని జీఏడీ ఆదేశించింది.