NTR Trust : కొవిడ్‌ బాధితుల కోసం ఎన్టీఆర్‌ ట్రస్ట్ టెలిమెడిసిన్‌ సేవలు

హైదరాబాద్‌: కొవిడ్ బాధితుల కోసం ఎన్టీఆర్‌ ట్రస్ట్‌ మరో కార్యక్రమం చేపట్టింది. మిస్డ్‌కాల్‌ ద్వారా ఎన్టీఆర్‌ ట్రస్ట్ టెలిమెడిసిన్‌ సేవలను అందించేందుకు నిర్ణయించింది. టెలిమెడిసిన్‌ కోరేవారు 88010 33323కు మిస్డ్‌కాల్ ఇవ్వాలని సూచించింది. బాధితుల ఫోన్‌కు టెలిమెడిసిన్‌ సేవలందించే జూమ్‌ లింక్ వెళ్తుందని వెల్లడించింది. జూమ్‌ లింక్‌ ద్వారా టెలిమెడిసిన్‌ సేవలు పొందొచ్చని పేర్కొంది. అవసరమైన వారికి ఎన్టీఆర్‌ ట్రస్ట్ నుంచి ఉచితంగా మందుల పంపిణీ చేస్తామని వివరించింది. కొవిడ్ బాధితులకు ప్రతి రోజూ ఉదయం 7.30 గంటలకు జూమ్‌ వీడియో కాన్ఫరెన్స్ నిర్వహిస్తామని తెలిపింది.