Karnataka: పట్టుకున్న పాము కాటు వేయడంతో.. వృద్ధుడు మృతి

వాడ్గెరా: పాము కాటు వేయడంతో వృద్ధుడు మృతిచెందిన ఘటన కర్ణాటకలోని యాదగిరి జిల్లాలో చోటు చేసుకుంది. వాడ్గెరా తాలుకా గోడిహలా గ్రామానికి చెందిన వృద్ధుడు బసవరాజు పూజారి గ్రామంలోకి వచ్చిన పాములను పట్టుకునే అలవాటుంది. అలా పట్టుకున్న పాములను గ్రామం నుంచి బయటకు తీసుకెళ్లి వదలిపెడుతుంటాడు. ఈ క్రమంలో శనివారం అతని ఇంటిలోకి ప్రవేశించిన పామును బసవరాజు పట్టుకొన్నాడు. దానిని గ్రామం బయటకు తీసుకెళ్లే ప్రయత్నం చేశాడు. ఈ క్రమంలో అతడిని ఆ సర్పం ఐదు సార్లు కాటు వేసింది. విషం శరీరమంతటా వ్యాపించడంతో.. చేతిలో పామును పట్టుకొని ఉండగానే అతడు ప్రాణాలు విడిచాడు. 

► Read latest General News and Telugu News