POTUS.. FLOTUS.. DOTUS.. ఎలా వచ్చాయ్!
అమెరికా అధ్యక్ష ఎన్నికలు ముగిసి.. అధికార మార్పిడి జరగనున్న నేపథ్యంలో ఇప్పుడు అందరి దృష్టి నూతన అధ్యక్షుడిగా ఎన్నికైన జో బైడెన్పైనే ఉంది. జనవరి 20న బైడెన్ అధికారికంగా అమెరికా అధ్యక్షుడవుతారు. అయితే, సాధారణంగా అందరూ అమెరికా అధ్యక్షుడిని
ఇంటర్నెట్డెస్క్: అమెరికా అధ్యక్ష ఎన్నికలు ముగిసి.. అధికార మార్పిడి జరగనున్న నేపథ్యంలో ఇప్పుడు అందరి దృష్టీ నూతన అధ్యక్షుడిగా ఎన్నికైన జో బైడెన్పైనే ఉంది. జనవరి 20న బైడెన్ అధికారికంగా అమెరికా అధ్యక్షుడవుతారు. అయితే, సాధారణంగా అందరూ అమెరికా అధ్యక్షుడిని ‘మిస్టర్ ప్రెసిడెంట్’ అని పిలుస్తుంటారు. అదే సమయంలో అధ్యక్షుడిని ‘పోటస్’ (POTUS) అనీ.. ఆయన సతీమణి, తొలి మహిళను ‘ఫ్లోటస్’ (FLOTUS) అని పిలవడం గమనించే ఉంటారు. తాజాగా బైడెన్ కుటుంబం పెంచుకునే శునకాలు వైట్హౌస్లో అడుగుపెట్టబోతున్నాయి. వాటిని డోటస్ (DOTUS) అని పిలుస్తున్నారు. ఇంతకీ ఏమిటీ పోటస్, ఫ్లోటస్, డోటస్? వీటి అర్థం ఏంటి? ఈ పదాలు ఎలా వచ్చాయి?
పోటస్ (POTUS) అంటే ‘ప్రెసిడెంట్ ఆఫ్ ది యునైటెడ్ స్టేట్స్’కు సంక్షిప్త నామం. ‘ఫస్ట్ లేడీ ఆఫ్ ది యునైటెడ్ స్టేట్స్’ను ఫ్లోటస్ (FLOTUS) అంటారు. వీటి సృష్టికి మూల కారకుడు వాల్టర్ పి. ఫిలిప్స్. 1846లో అమెరికాలో జన్మించిన ఆయన జర్నలిస్టుగా, టెలీగ్రాఫ్ ఆపరేటర్గా అమెరికా మీడియాలో పనిచేశారు. వివిధ ప్రాంతాల నుంచి టెలీగ్రాఫ్, షార్ట్హ్యాండ్ రైటింగ్, కోడ్స్ ద్వారా వార్తలను సేకరించేవారు. ఈ క్రమంలో 1879లో ఫిలిప్స్ సొంతగా ది ఫిలిప్స్ కోడ్ను రూపొందించారు. వార్తల్లో తరచూ ఉపయోగించే పదాలను సంక్షిప్త పదాలుగా మార్చి ప్రత్యేక కోడ్స్ పుస్తకాన్ని అందుబాటులోకి తెచ్చారు. అందులో అమెరికా సుప్రీంకోర్టును ‘స్కోటస్ (SCOTUS- సుప్రీంకోర్టు ఆఫ్ ది యునైటెడ్ స్టేట్స్)’గా పేర్కొన్నారు. ఇక వివిధ దేశాల అధ్యక్షుల ప్రస్తావన వచ్చినప్పుడు ఆ దేశ ప్రెసిడెంట్ అని అనాల్సిన చోట ‘POT-ప్రెసిడెంట్ ఆఫ్ ది’ అనే సంక్షిప్త పదాన్ని వాడారు.
విలేకరుల సమయం, శక్తి వృథా కాకుండా.. తొందరగా వార్తలు అందించేందుకు ఫిలిప్స్ కోడ్ ఉపయుక్తంగా మారింది. అలా 1895 నుంచి అమెరికా అధ్యక్షుడిని పోటస్ (ప్రెసిడెంట్ ఆఫ్ ది యునైటెడ్ స్టేట్స్) అనే సంక్షిప్త పదంతో సంభోదించడం ప్రారంభమైంది. అధికారికంగా ఈ పదాన్ని 1923లో విడుదల చేసిన ఫిలిప్స్ కోడ్ ఎడిషన్లో జోడించారు. దీంతో అప్పటి మీడియాలో పోటస్ అనే పదం పాపులరైంది. వార్తల చేరవేతలో విప్లవాత్మకమైన మార్పులు వచ్చినా ఆ పదాన్ని కొనసాగించారు. 1940ల్లో అప్పటి అధ్యక్షుడు ఫ్రాంక్లిన్ డి. రూజ్వెల్ట్ పంపిన అంతర్జాతీయ టెలీగ్రాఫ్ రికార్డులపై పోటస్ అనే ఉండేది. 1960లో సీక్రెట్ సర్వీస్ వ్యవస్థలోనూ ఈ పదం చేరింది. 1966లో లిండన్ బి. జాన్సన్ అధ్యక్షుడిగా ఉన్నప్పుడు.. ఆయనకు ఫోన్ చేయడం కోసం సెక్రెటరీ వద్ద ఉండే ఫోన్లో పోటస్ పేరుతో ప్రత్యేక బటన్ కూడా ఉండేదట. 1980ల్లో అప్పటి అమెరికా అధ్యక్షుడు రొనాల్డ్ రీగన్ సతీమణి.. దేశ తొలి మహిళను సంక్షిప్తంగా ‘ఫ్లోటస్ (FLOTUS- ఫస్ట్ లేడీ ఆఫ్ ది యునైటెడ్ స్టేట్స్)’ అని పిలవడం మొదలుపెట్టారు. వైస్ ప్రెసిడెంట్ను ‘విపోటస్’ అని.. దేశ రెండో మహిళను ‘విఫ్లోటస్’ అని పిలుస్తున్నారు. బరాక్ ఒబామా అధ్యక్షుడయ్యాక తన ట్విటర్ ఖాతాలో ‘పోటస్’ అని పేర్కొనడంతో ఈ సంక్షిప్త పదాలు ప్రజలకు మరింత చేరువయ్యాయి. ఇప్పుడు జో బైడెన్ పెంచుకుంటున్న ఛాంప్, మేజర్ అనే రెండు శునకాలు వైట్హౌస్లో నివసించబోతుండటంతో వాటిని డోటస్ (DOTUS- డాగ్స్ ఆఫ్ ది యునైటెడ్ స్టేట్స్)గా పిలుస్తున్నారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
భారాస అధినేత కేసీఆర్ కాన్వాయ్లో ప్రమాదం
నల్గొండ జిల్లా వేములపల్లి వద్ద భారాస అధినేత కేసీఆర్ కాన్వాయ్లో ప్రమాదం జరిగింది. -
అవనిగడ్డలో వైకాపా ర్యాలీ.. బాణసంచా పడి తెదేపా కార్యకర్త ఇల్లు దగ్ధం
కృష్ణా జిల్లా అవనిగడ్డలో వైకాపా అభ్యర్థి సింహాద్రి రమేశ్ బాబు నామినేషన్ సందర్భంగా నిర్వహించిన ర్యాలీలో అపశ్రుతి చోటు చేసుకుంది. -
ఈనాడు.నెట్లో టాప్ 10 వార్తలు @ 5 PM
ఈనాడు.నెట్ లోని ముఖ్యమైన పది వార్తలు మీ కోసం... -
ఆ 80 కుటుంబాలకు రక్షణ కల్పించండి.. పోలీసులకు హైకోర్టు ఆదేశం
పల్నాడు జిల్లా ఆత్మకూరు గ్రామంలో 50, జంగమేశ్వరపాడు గ్రామంలో 30 కుటుంబాలకు రక్షణ కల్పించాలని ఏపీ హైకోర్టు ఆదేశించింది. -
62వేల మంది వాలంటీర్లు రాజీనామా చేశారు.. కోర్టుకు తెలిపిన ఈసీ న్యాయవాది
ఏపీలో వాలంటీర్ల రాజీనామాల పిటిషన్పై బుధవారం హైకోర్టులో విచారణ జరిగింది. -
జగన్పై రాయి దాడి కేసు.. నిందితుడి కస్టడీకి కోర్టు అనుమతి
సీఎం జగన్పై రాయి దాడి కేసులో నిందితుడు సతీష్ను కస్టడీకి ఇచ్చేందుకు కోర్టు అనుమతించింది. -
ఈనాడు.నెట్లో టాప్ 10 వార్తలు @ 1 PM
ఈనాడు.నెట్ లోని ముఖ్యమైన పది వార్తలు మీ కోసం... -
ఈనాడు.నెట్లో టాప్ 10 వార్తలు @ 9 AM
ఈనాడు.నెట్ లోని ముఖ్యమైన పది వార్తలు మీ కోసం... -
నేటి రాశి ఫలాలు.. 12 రాశుల ఫలితాలు ఇలా... (24/04/24)
ఈ రోజు ఏ రాశి వారికి ఎలాంటి ఫలితం ఉంటుంది. డాక్టర్ శంకరమంచి శివసాయి శ్రీనివాస్ అందించిన నేటి రాశి ఫలాల వివరాలు.
తాజా వార్తలు (Latest News)
-
ఎన్నికల బరిలో ‘పొలిమేర’ నటి..
-
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం
-
మూడోసారి అంతరిక్షంలోకి.. సిద్ధమవుతోన్న సునీతా విలియమ్స్
-
Sunetra Pawar: ఎన్నికల వేళ.. రూ.25 వేల కోట్ల స్కామ్ కేసులో సునేత్ర పవార్కు క్లీన్ చిట్