Lifestyle: పిల్లలతో ప్రయాణాలా.. ఈ జాగ్రత్తలు పాటించండి!

ఇంటర్నెట్‌ డెస్క్‌: పిల్లలతో ప్రయాణాలు చేస్తున్నారా! అయితే మీ బ్యాగులో ఇవి తప్పనిసరిగా ఉండాల్సిందే! అవేంటో మీరే చదవండి..

• కాస్త వాతావరణంలో మార్పులు వస్తే చాలు పిల్లలకు జలుబు, దగ్గు, జ్వరాలు మొదలవుతాయి. అందుకే ప్రయాణాలు చేసేటప్పుడు ఫస్ట్‌ ఎయిడ్‌ బాక్స్‌, పిల్లలకు వాడే మందులు అన్నింటినీ వెంట తీసుకువెళ్లాలి.
• వాటర్‌ బాటిల్‌ కచ్చితంగా వెంట తీసుకెళ్లాలి.  పిల్లలైనా, పెద్దవాళ్లైనా గంటకోసారి నీళ్లు తాగుతూ ఉండాలి.
• పిల్లలు ఎప్పుడు ఆకలి అంటారో తెలియదు. అందుకే బ్యాగులో ఎప్పుడూ స్నాక్స్‌ వెంట ఉంచుకోవాలి.  దూర ప్రాంతాలకు వెళ్లినప్పుడు ఇంట్లో వండిన ఆహారం వెంట తీసుకెళ్లడం ఉత్తమం. ఇలా చేయడం వల్ల బయటి ఆహారానికి దూరంగా ఉండవచ్చు. ఆరోగ్యాన్ని కాపాడుకోవచ్చు.
• ఇంటి నుంచి బయటకు వెళ్లిన కాసేపటికి ముఖం పైన జిడ్డు పేరుకుపోతుంది. ఈ సమస్య నుంచి బయటపడాలంటే వెట్‌ వైప్స్‌ వెంట ఉంచుకోవాలి. ఇవి పిల్లలు, పెద్దలకు కూడా ఎంతో ఉపయోగపడతాయి.
• బ్యాగులో తప్పనిసరిగా శానిటైజర్‌ ఉండాలి. ఏదోక పని చేస్తూ ఎన్నో వస్తువులను తాకుతూ ఉంటారు. అదే చేతులతో ముఖాన్నితాకుతుంటారు. అందువల్ల దేనినైనా ముట్టుకున్నప్పుడు శానిటైజర్‌ రాసుకోవాలి. 
• దూర ప్రాంతాలకు వెళ్లినపుడు కచ్చితంగా స్వెటర్లు, బెడ్‌షీట్లు వెంట తీసుకెళ్లాలి. ఎందుకంటే ఏ ప్రాంతంలో ఎలాంటి వాతావరణ పరిస్థితులు ఉంటాయో తెలియదు. కాబట్టి ఎక్కడికి వెళ్లినా బ్యాగులో వీటిని తీసుకెళ్లడం ఉత్తమం.