Lockdown: వాడిపోతున్న వ్యాపారాలు

హైదరాబాద్‌: లాక్ డౌన్ కారణంగా చిరువ్యాపారులు తీవ్రంగా నష్టపోతున్నారు. క్రయవిక్రయాలకు 4 గంటల సమయం ఇస్తున్నా కూరగాయల వ్యాపారుల పరిస్థితి దయనీయంగా మారింది. ఉదయాన్నే కొనుగోలుదారులు రాకపోవడంతో కరీంనగర్ మార్కెట్‌లో కూరగాయలు చెడిపోతున్నాయని వాపోతున్నారు. కఠిన నిబంధనల అమలుతో వ్యాపారం కావడం లేదని ఆవేదన వ్యక్తం చేస్తున్నారు.

కరోనా కట్టడికి విధించిన లాక్‌డౌన్‌ ప్రభావం కూరగాయల రైతులు, విక్రయదారులపై పడుతుంది. ఉదయం 6 నుంచి 10 గంటల వరకూ ఆంక్షలు సడలించినా కొనుగోలు దారులు 8 గంటల తర్వాతే వస్తున్నారని చెబుతున్నారు. పోలీసులు 9:30 గంటలకే దుకాణాలు మూసివేయిస్తుండగా, కూరగాయలు అమ్ముడుపోవడం లేదని ఆవేదన వ్యక్తం చేస్తున్నారు. అప్పులు చేసి ఎక్కువ ధరకి కూరగాయలు తీసుకువచ్చి విక్రయాలు జరగక పారేస్తున్నామని వాపోతున్నారు. మరో రెండు గంటల సమయం ఇస్తే బాగుంటుందని విజ్ఞప్తి చేస్తున్నారు.